Gürcüstanla Azərbaycan Cənubi Qafqaz nəqliyyat dəhlizini razılaşdırır

Cənubi Qafqaz logistik dəhlizi vasitəsilə Gürcüstana böyük həcmdə yük daşınması üçün Azərbaycanla birgə hərəkət etmək, tranzitin miqyası ilə bağlı Çin və Hindistanla dialoq aparmaq lazımdır. Bu barədə Gürcüstanın baş naziri Georgi Kvirikaşvili çərşənbə günü Bakıya səfərinin yekunları ilə bağlı bildirib.

Onun sözlərinə görə, həm Azərbaycan prezidenti, həm də baş nazirlə ikitərəfli nünasibətlərə dair çox məsələ müzakirə olunub.

“Bizim strateji əhəmiyyət daşıyan çox mühüm regional layihələrimiz var. Əsasən “Cənub” qaz dəhlizi – Cənubi Qafqaz qaz kəmərinin genişləndirilməsi layihəsi, həmçinin Bakı-Tbilisi-Qars dəmir yolu layihəsi.

Biz logistik dəhlizdə vahid tarif sisteminin işlənməsi məsələsini müzakirə etdik, Çin və  Hindistandan əlavə yüklərin cəlb olunması imkanlarından danışdıq”, - Kvirikaşvili vurğulayıb.

İnfrastrukturun modernləşdirilməsinə böyük diqqət yetirdik ki, bu olmadan proqnozlaşdırılan tranzit həcmini cəlb etmək mümkün deyil.

“Türk axını” layihəsinin reallaşması ilə bağlı Rusiya-Türkiyə danışıqları Transanadolu qaz kəmərinə təhlükə törədirmi?” sualının cavabında baş nazir deyib ki, nə Transanadolu, nə də Transadriatik qaz kəmərlərinə heç bir təhlükə yoxdur. Çünki orada hər şey, həm infrastruktur tikintisi, həm də qaz nəqlinin həcmi artıq kontraktlanıb.-02D-