Gürcüstanlı vəkil Əfqan Sadıqovun işi barədə

Çərşənbə axşamı vəkil Dmitri Nozadze Qdlani İstintaq Təcridxanasında “Azel” TV  saytın təsisçisi Əfqan Sadıqova baş çəkib.

O, Turan agentliyinə bildirib ki, Sadıqov cinayət təqibinə xitam verilməsi tələbilə 4 gündür aclıq edir. Vəkil Sadıqova deyib ki, onun hüquqlarının bərpası üçün hələ də hüquqi vasitələri var və aclığı dayandırmağı tövsiyə edib, lakin Sadıqov imtina edib.

Sadıqovun ekstradisiyasının mümkünlüyü barədə sualın cavabında vəkil deyib ki, hələlik bu istiqamətdə hərəkət yoxdur. Nə qədər ki Sadıqov ona siyasi sığınacaq verilməsindən imtina ilə bağlı məhkəmə və apellyasiya instansiyasına şikayət  etmir, ekstradisiya edilə bilməz.

Onun sözlərinə görə, sığınacaq verilməsindən imtina barədə qərar hələ müdafiə tərəfinə təqdim edilməyib, buna görə də hələ şikayət verilməyib.

*Gürcüstan hakimiyyəti Əfqan Sadıqova siyasi sığınacaq verməkdən imtina etdikdən sonra sentyabrın 20-də o, aclığa başlayıb.

Sadıqov təqib olunmaqdan ehtiyat edərək 2023-cü ilin dekabrında ailəsilə birlikdə Gürcüstana gedib. İyulun ortalarında onu Gürcüstandan Türkiyəyə buraxmayıblar və bildiriblər yalnız Azərbaycana gedə bilər.

Avqustda Azərbaycanın ekstradisiya tələbilə Sadıqov həbs edilib. Bakıda onu təhdid yoluyla tələb etməkdə ittiham edirlər.

Əfqan Sadıqov ittihamları rədd edir. O, iki dəfə Azərbaycanda mühakimə olunub. İnsan hüquqları təşkilatları hər dəfə onu siyasi məhbus kimi tanıyıblar.