![Hafiz Babalının ATV telekanalı ilə məhkəmə çəkişməsi davam edir](https://turan.az/resized/news/2024/flJLD5R9yN4Uob2O1Cz3ZDyql2PTp0pwc6CF0tVR-750-500-resize.webp)
Hafiz Babalının ATV telekanalı ilə məhkəmə çəkişməsi davam edir
Hafiz Babalının ATV telekanalı ilə məhkəmə çəkişməsi davam edir
Avqustun 8-də Bakı Apellyasiya Məhkəməsində Turan agentliyinin iqtisadi xəbərlər şöbəsinin redaktoru Hafiz Babalının ATV telekanalına qarşı şikayətinə baxılıb.
Apellyasiya şikayəti Babalının sözügedən teleşirkətə qarşı iddiasını təmin etməyən Səbail məhkəməsinin 30 aprel tarixli qərarından verilib. Babalı özü onlayn rejimdə iştirak edib. Belə ki, jurnalist “Abzas Media” nəşrinin işilə əlaqədar həbsdədir.
İddia telekanalın 28 dekabr 2023-cü il tarixli reportajında Babalının ünvanına əsassız ittihamlar və böhtanlar ilə əlaqədar verilib.
ATV bildirib ki, "Turan İnformasiya Agentliyinin redaktoru Hafiz Babalı xarici fondlarla əlaqə yaradıb, qrant layihələri üzrə araşdırmalar aparıb və məqalələr hazırlayıb".
Jurnalistin iddiasında deyilir ki, Babalanın araşdırmaları onun jurnalist fəaliyyətinin bir hissəsi olub, xarici donorların sifarişi olmayıb. Bundan əlavə, heç kim dərc olunmuş məqalələrlə bağlı iddia qaldırmayıb, həmin məqalələrdəki məlumatlar isə heç bir inzibati orqan tərəfindən təkzib edilməyib və məhkəmədə mübahisələndirilməyib.
Lakin birinci instansiya məhkəməsi obyektiv araşdırma aparmayıb, vəkil Rəsul Cəfərov bildirib. Onun sözlərinə görə, məlumatın Qafqazinfo.az saytından götürülməsilə bağlı ATV telekanalının nümayəndəsinin dəlilləri tutarlı deyil. Qanunvericiliyə əsasən, media digər KİV-in informasiyasının yayılmasına görə məsuliyyətdən azad edilmir.
“Media haqqında qanunun 77-ci maddəsinə əsasən, əgər KİV dövlət orqanlarının rəsmi məlumatlarını, onların vəzifəli şəxslərinin, deputatlarının bəyanatlarını və ya çıxışlarını, dövlət, özəl və qeyri-hökumət təşkilatlarının, partiyaların press-relizlərini, informasiya agentliklərinin məlumatlarını dərc etdikdə məsuliyyətdən azad edilir. İndik halda isə 77-ci maddəyə istinad uyğun deyil, çünki Qafqazinfo.az informasiya agentliyi deyil, İnternet- qəzetdir. Digər tərəfdən, Qafqazinfo.az-da dərc edilmiş məlumat heç bir dövlət orqanının və ya özəl, bələdiyyə və ya ictimai təşkilatın rəsmi məlumatı deyildi. Saytdakı fikirlərin mənbəyi, ümumiyyətlə, göstərilməyib", - Cəfərov deyib.
Lakin Apellyasiya Məhkəməsi obyektiv araşdırma aparmayıb və şikayəti təmin etməyib. Babalı Ali Məhkəməyə kassasiya şikayəti vermək niyyətindədir.
* Hafiz Babalı “Abzas Media” işi üzrə həbsdədir. O, ona qarşı irəli sürülmüş qaçaqmalçılıq ittihamını rədd edir. Hüquq müdafiəçiləri onu siyasi məhbus kimi tanıyıblar, beynəlxalq təşkilatlar Azərbaycan hakimiyyətini “Abzas Media” işi üzrə keçənlərin azad edilməsinə çağırıblar.
-
- Cəmiyyət
- 9 Avqust 2024 17:24
Siyasət
-
Ədliyyə Nazirliyi Azərbaycan parlamentinin keçmiş deputatı, iş adamı Hüseyn Abdullayevin istintaq təcridxanasında vəziyyətin pisləşməsilə bağlı sosial şəbəkələrdə yayılan xəbərlərə aydınlıq gətirib.
-
Mərkəzi Asiya dövlət başçılarının VI Məsləhətçi Görüşü 9 avqust 2024-cü ildə Qazaxıstan Prezidenti Kasım-Jomart Tokayevin rəhbərliyi altında baş tutdu. Bölgə əməkdaşlığında mühüm mərhələ hesab edilən görüş qarşılıqlı inam və hərtərəfli qarşılıqlı əlaqə ilə xarakterizə olunan əməkdaşlıqda yeni bir dövrü vurğuladı.
-
Hindistanın ilk Akash-1S zenit-raket kompleksləri bu ilin sonuna qədər Ermənistana göndəriləcək, Indian Defence Research Wing nəşri yazır.
-
Azərbaycan və Mərkəzi Asiya ölkələri artan strateji əhəmiyyətə malik olan vahid tarixi-mədəni coğrafi regiondur. Bu barədə Azərbaycan prezidenti İlham Əliyev Astanada Mərkəzi Asiya və Azərbaycan Respublikasının dövlət başçılarının görüşündə bildirib.
Zəngəzur dəhlizi sülh müqaviləsindən çıxarıldı. Bəs kimin nəzarətinə verilir? – Oktay Qasımov Çətin sualda
Xəbər lenti
-
- Maliyyə,
- 10:44
- 197
Rəy yaz