Hakimiyyət Azad Fikir Universitetini ofisindən çıxarıb
Ötən gün AF Mall Ticarət Mərkəzinin rəhbərliyi Azad Fikir Universitetinin (AFU) burada icarəyə götürdüyü yerdən çıxmasını tələb edib. AFU-ya 2 saat ərzində 5-ci mərtəbədəki ofisi boşaltmaq tapşırılıb. Odur ki, gecə yarısına qədər əşyaları ofisdən daşımaq lazım gəlib. Bu barədə Turan-a Ol gənclər hərəkatının rəhbəri Adnan Hacızadə məlumat verib.
Onun sözlərinə görə, AF Mall rəhbərliyi müqaviləni birtərəfli qaydada pozub və OL-u müqavilə şərtlərini pozmaqda ittiham edib. Əsasən bildirilib ki, icarədarlar oranı “ofis kimi götürüblər, lakin təhsil mərkəzi yerləşdiriblər”.
A.Hacızadə bunu “absurd” adlandırıb.
Xatırladaq ki, aprelin 10-da AFU-nun ofisi heç bir açıqlama verilmədən Baş Prokurorluğun işçiləri tərəfindən möhürlənib. İki gün sonra prokurorluq bildirib ki, ofis NİDA hərəkatının fəallarına qarşı cinayət işi və Ol hərəkatının qeydiyyatının olmaması ilə əlaqədar möhürlənib.
Lakin Azərbaycan qanunvericiliyi dövlət qeydiyyatı olmadan qeyri-kommersiya təşkilatlarının fəaliyyətini qadağan etmir.—06D-
-
- İqtisadiyyat
- 30 Aprel 2013 14:20
-
- İqtisadiyyat
- 30 Aprel 2013 15:35
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz