Hakimiyyət hüquq müdafiəçilərinin fotosərgisini bağlayıb

Bazar ertəsi “Xətai” Sənət Mərkəzində “ “Azərbaycanda hüquq müdafiəçisinin işi” adlı fotosərgi açıldıqdan dərhal sonra qapadılıb. 

Saat 11:00-da açılan fotosərgi yarım saatdan sonra mərkəz administrasiyasının tələbilə qapadılıb.

“Mərkəzin meneceri Nəzakət xanım bizə bildirdi ki, sərginin yeri yalnız təqdim olunub”, - Rasional İnkişaf Uğrunda Qadınlar Cəmiyyətinin (RİQC) sədri Şəhla İsmayılova Turan-a bildirib. “Lakin biz əvvəlcədən administrasiyasını xəbərdar etmişdik ki, sərgi insan hüquqlarına həsr olunub”, - o qeyd edib. 

Açılış mərasimində çıxış edən Ş.İsmayılova deyib ki, Azərbaycan İnsan Hüquqları Evinin (AİHE) tərəfdaşı olan 

RİQC sərgi üçün yerin icarəyə götürülməsi və mətbəələrdə fotoların çap olunması ilə bağlı problemlərlə üzləşib. “Bizdən hər yerdə imtina etdilər və Prezident Administrasiyasından icazə almağımızı tələb etdilər, - o bildirib.

Odur ki, hüquq-müdafiə təşkilatlarının ofislərində səyyar sərgilərin keçirilməsi mümkündür.

Bugünkü tədbirə gəlincə, sərgiyə 1000-dən çox fotonun arasından seçilmiş 100-dən çox foto çıxarılıb. Onlar müxtəlif KİV-lərin fotoreportyorları tərəfindən təqdim olunub və Azərbaycanda insan hüquqları və azadlıq uğrunda asan olmayan mübarizədən bəhs edir.

İnsan Hüquqları Evinin nümayəndəsi Yekaterina Spasova qeyd edib ki, sərgi hüquq müdafiəçilərinə onların asan olmayan fəaliyyətində dəstək hesab olunur.   

Bu, hüquq-müdafiə mövzusuna həsr olunmuş sayca üçüncü sərgidir. Bundan əvvəl Azərbaycanda mülkiyyət hüquqları və ifadə azadlığının müdafiəsi mövzusunda iki fotosərgi təşkil olunub.

Sərgi Norveç XİN, Avropa Komissiyası və İnsan Hüquqları Evi tərəfindən dəstəklənib.-0-