NİDA hərəkatının iki üzvü – Üzeyir Məmmədli və Aygün Pənceliyeva martın 18-də şahid kimi Baş Prokurorluğun Ağır Cinayətlərə dair İstintaq İdarəsinə çağırılıblar.
Ü.Məmmədli Turan-a bildirib ki, onu saat 16:00-a, A. Pəncəliyevanı isə saat 17:00-a çağırıblar. O qeyd edib ki, prokurorluğa vəkil Fəxrəddin Mehdiyevlə birlikdə gedəcək.
Xatırladaq ki, NİDA-nın 4 fəalı həbs olunub. Onlar qanunsuz partlayıcı və narkotik maddələrin saxlanmasında ittiham olunurlar.
Vəkil Əsabəli Mustafayev onlardan biri – Rəşad Həsənovla görüşə bilmir. O 228.3-cü (mütəşəkkil cinayətkar qrupun tərkibində qanunsuz partlayıcı maddənin saxlanması) maddə ilə ittiham olunan R.Həsənovun həbsi ilə bağlı apellyasiya şikayəti verib.
NİDA fəalları və onların doğmaları bildirirlər ki, narkotik vasitələri və partlayıcı maddələri onların evinə axtarış zamanı MTN işçiləri qoyublar.-16B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz