Hədə-qorxulara baxmayaraq fəalların təhlükəsizliyi təmin olunmayıb

Bazar ertəsi RATİ-də hüquq müdafiəçisi Ələkbər Məmmədov əsgər İsmayıl İbayevin ölümü ilə bağlı araşdırmalara görə təzyqlərə məruz qalmaları ilə bağlı mətbuat konfransı keçirib.

Ə.Məmmədov bu ilin iyulunda hərbi xidmətdə dünyasını dəyişən əsgər İ.İbayevin ölüm şəraitini araşdırdıqlarına görə təzyiqlərə məruz qaldıqlarını bildirib. Ə.Məmmədovla yanaşı bu məsələdə tədqiqat aparan müstəqil jurnalist Zümrüd Məmmədova da təzyiqlərə məruz qalır. Valideynləri əsgərin qətlə yetirldiyini, daxili orqanlarının satış məqsədilə çıxarıldığını iddia edir. Hərbi hissə rəhbərliyi ölümə səbəb kimi əsgərin özünə qəsd etdiyini bildirib. Ekspertiza daxili orqanların olmamasını bu orqanların çürüməsilə əaqələndirmək istəyir. 

Müstəqil jurnalist Z.Məmmədova və hüquq müdafiəçisi Ə.Məmmədov məsələni ictimailəşdirməkdə əsgər ailəsinə yardımçı olublar. Məsələ ictimailəşdikdən sonra 

baş vermiş cinayəti ört-basdır etmək üçün maraqlı tərəflər əsgərin ailəsini ələ almağa çalışıblar. Bu alınmadıqda təzyiqlə susdurmağa cəhd göstəriblər. 

Bundan sonra Z.Məmmədovaya və Ə.Məmmədova təzyiqlər, ölüm hədə-qorxuları başlayıb. 

Təqribən iki ay öncə Z.Məmmədova və Ə.Məmmədov hüquq-mühafizə orqanlarına teleqram vuraraq təhlükəsizliklərinin təmin olunmasını tələb ediblər. Yalnız bu günlərdə Nəsimi rayon 19 saylı polis bölməsi hər hansı hadisə olarsa Ə.Məmmədovu qoruyacağı haqda hüquq müdafiəçisinə məlumat verib. Amma Z.Məmmədovanin təhlükəsizlik məsələsi hər hansı şəkildə əksini tapmayıb.       

Əsgər İ.İbayevin ölüm şəraitini tədqiq etdiklərinə görə Müdafiə Nazirliyi Ekspertiza-Patoloji Anatomiya İdarəsinin hüquq müdafiəçisi Ə.Məmmədovu idarənin işgüzar imicinə zərbə vurmaqda ittiham edərək məhkəmə iddiası qaldırıb. İdarə hüquq müdafiəçisinin 100 min manat cərimə olunmasını tələb   edir.-05C-