![Həmkarlar ittifaqı fəalı Afiyəddin Məmmədovun işi üzrə proses keçirilib](https://turan.az/resized/news/2024/BTK2h52T8sBF54THtzl2XQrFGs0nVkRpkuNCXvMp-750-500-resize.webp)
Həmkarlar ittifaqı fəalı Afiyəddin Məmmədovun işi üzrə proses keçirilib
Həmkarlar ittifaqı fəalı Afiyəddin Məmmədovun işi üzrə proses keçirilib
İyunun 4-də Bakı Ağır Cinayətlər Məhkəməsində həmkarlar ittifaqı fəalı Afiyəddin Məmmədovun işi üzrə prosesdə zərərçəkmiş Səfər Hüseynovun ifadəsi dinlənilib.
O bildirib ki, hadisə günü telefona baxa-baxa küçə ilə gedirdi və Məmmədovla toqquşub. Sözlü davadan sonra Məmmədov ona bıçaq xəsarəti yetirib.
Bundan sonra hakim onun Məmmədovla barışmaq və şikayəti geri çəkmək niyyətində olub-olmadığını soruşub, Hüseynov buna mənfi cavab verib.
Öz növbəsində, həmkarlar ittifaqı fəalı Hüseynov yalan danışmaqda ittiham edib. Əslində Hüseynov istintaq materialında deyilən yerdə deyil, fəalın evinin önündə ona hücum edib.
Məmmədov qeyd edib ki, əslində o xəsarət alıb, belə ki, Hüseynov onun üzünə vurub və burnunu qırıb. Bundan başqa, Məmmədov yıxılıb və beli zədələnib. Aldığı xəsarətlərə baxmayaraq, Məmmədova tibbi yardım göstərilməyib.
Bu iş üzrə növbəti iclas iyulun 30-na təyin edilib.
* "İşçi masası" alternativ həmkarlar ittifaqı konfederasiyasının rəhbəri Afiyəddin Məmmədov sentyabrın 20-də öz evinin qarşısında naməlum şəxsin hücumuna məruz qaldıqdan sonra saxlanılıb. Məmmədov ona hücum edən şəxsə bıçaq xəsarəti yetirməkdə (CM-in 221-3 - xuliqanlıq, silahdan istifadə ilə törədildikdə və 126.1-ci - qəsdən sağlamlığa ağır zərər vurma maddələri) ittiham olunub.
Sonradan 126.2.4-cü (ümumi təhlükəli üsulla qəsdən sağlamlığa ağır zərər vurma) və 228.4-cü (qanunsuz silah dövriyyəsi) maddələrlə daha ağır ittihamlar irəli sürülüb. Onu 11 ilədək həbs cəzası gözləyir. Hüquq müdafiəçiləri Məmmədovu siyasi məhbus kimi tanıyıblar.
-
- Maliyyə
- 5 İyun 2024 12:09
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz