Hərbiyönümlü QHT-lər Koalisiyası Müdafiə Nazirliyinin yüksək vəzifəli şəxslərinin qanunsuz hərəkətlərindən hüquq-mühafizə oqranlarına müraciət ünvanlayıb.
Müraciətdə “Təhlükəsizlik, Demokratiya və İqtisadi İnkişaf” QHT-lər koalisiyasının təhlükəsizlik və müdafiə sektorunda monitorinqlər apardığı, monitorinqin nəticələrinin ictimaiyyətə açıqlandığı, uyğun dövlət qurumlarına göndərildiyi qeyd olunur. Monitorinqlərdə qanunun pozulması, korrupsiya, məmur özbaşınalığı hallarının aşkara çıxarılması prioritet olaraq qalır.
QHT-lər koalisiyanın məqsədinin müdafiə sektorunda durumu əhəmiyyətli dərəcədə yaxşılaşdırmaq olduğu xüsusi vurğulanır. Bəzi vəzifəli şəxslərin bütün bu tənqidləri hansısa siyasi məramlara bağlamaq istəməsi pislənilir. Son vaxtlar hərbiyönümlü QHT-lər koalsiyasının Müdafiə Nazirliyindəki bəzi yüksək vəzifəli məmurların təzyiqinə məruz qalması bir sıra məmurların vətəndaş cəmiyyətlərilə işləyə bilməməsinin nəticəsi sayılır. Bu şəxslərin QHT-ləri “özümüzkülər” və “özgələr” kimi təsnif etmələrinə diqqət çəkilir. Bu yaxınlarda müdafiə naziri Səfər Əbiyevin müdafiəsilə bağlı hərbi hissələrdə başlanmış imzatoplama kampaniyası həmin vətəndaş cəmiyyəti institutları ilə işləmək səriştəsi olmayan məmurların əməli sayılır. Koalisiya Müdafiə Nazirliyini qurumdan göndərilən təklif və təşəbbüslərə biganə yanaşmaqda ittiham edir. Daha sonra sənəddə Müdafiə Nazirliyinin bir qrup zabitinin fevralın 23-də koalisiyanın ofisinə basqını haqqında məsələ əksini tapır. Zabitlərin hərəkəti bir tərəfdən qulluq yerini özbaşına tərketmə, digər tərəfdən ictimai qurumun fəaliyyətinə mane olmaq kimi dəyərləndirilir. Sənəddə zabitlərin ictimai qurumun fəaliyyətinə mane olmalarına göstərişi general Vaqif Məmmədovun verdiyi iddia edilir.
Müraciətin sonunda sənəddə göstərilən faktlara qiymət verilməsi və qanuna uyğun tədbirlər görülməsi, koalisiya fəallarının və ailə üzvlərinin təhlükəsziliklərinə, habelə koalisiyanın özünün təhlükəsiz fəaliyyətinə dövlət tərəfindən təminat verilməsi təklif olunur. -05D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz