Hikmət Hacıyev Pekində rəsmi şəxslərlə görüşlər keçirir
Ölkə prezidentinin xarici siyasət məsələləri üzrə köməkçisi Hikmət Hacıyev Çində səfərdədir. O, öz Tvitter hesabında Çinin xarici işlər nazirinin müavini Sun Veydun, Çin Kommunist Partiyası Mərkəzi Komitəsinin beynəlxalq əlaqələr şöbəsinin müdir müavini Çen Ju, Şanxay Əməkdaşlıq təşkilatının prezidenti Van Çao ilə keçirdiyi görüşlər haqqında yazıb.
Görüşlərdə iki ölkə arasında tərəfdaşlığı keyfiyyətcə yeni səviyyəyə yüksəltmək üçün qarşılıqlı istək olduğu qeyd edilib. Xüsusən, Orta Dəhliz layihəsinin həyata keçirilməsi, COP29 çərçivəsində qarşılıqlı fəaliyyət və Çinin Azərbaycandan yaşıl enerjinin nəqli proqramında iştirakı haqqında fikir mübadiləsi aparılıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz