Bu gün “Tolışi sado” qəzetinin redaktoru Hilal Məmmədovun işi üzrə dinləmələrin qapalı hissəsi başa çatıb. Dinləmələrdə dövlətə xəyanət və millətlərarası ədavətin qızışdırılması ilə bağlı ittihamlara baxılıb.
Müdafiə tərəfi hesab edir ki, istintaq H.Məmmədovun göstərilən maddələr üzrə günahını sübut edən dəlillər təqdim etməyib.
Bugünkü iclasda hakim Məmmədovdan götürülmüş fleşkart üzrə müstəqil texniki ekspertizanın təyin olunması ilə bağlı müdafiə tərəfinin vəsatətini təmin etməyib.
Müdafiə tərəfi bildirir ki, fleşkarta Məmmədova aid olmayan saxta materiallar daxil edilib, amma bu, onun ittiham edilməsi üçün əsas kimi götürülüb.
Növbəti məhkəmə iclası mayın 22-də açıq keçiriləcək. İclasda qanunsuz narkotik maddənin saxlanması üzrə ittihama baxılacaq.
H.Məmmədov 2012-ci il iyunun 21-də həbs olunub və qanunsuz narkotik maddənin saxlanmasında, dövlətə xəyanətdə, millətlərarası ədavətin qızışdırılmasında ittiham olunur. Lakin yerli və beynəlxalq təşkilatlar hesab edirlər ki, H.Məmmədov siyasi motivlərlə həbs olunub.—16C06-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz