![Hilal Məmmədovun məhkəməsi yenidən təxirə salınıb](https://turan.az/resized/media/2013/main/021300028262-750-500-resize.webp)
Hilal Məmmədovun məhkəməsi yenidən təxirə salınıb
Bu gün Bakı Ağır Cinayətlər Məhkəməsində hakim Azər Orucovun sədrliyi ilə “Tolişi Sədo” qəzetinin həbsdə olan təsisçisi və baş redaktoru Hilal Məmmədovun cinayət işi üzrə məhkəmə baxışı yenidən təxirə salınıb. Bu barədə Turan-a H.Məmmədovun vəkili Cavad Cavadlı bildirib. Onun sözlərinə görə, hakim prosesdə bir neçə vəkilin iştirakını istəyib. Lakin C.Cavadlı hər proses vaxtı bir vəkilin iştirakının mümkün olduğunu bildirib.
Bundan əlavə, vəkil hilal Məmmədov məhkəmədə ifadə verməkdən imtina edəcək və vəkillər də yalnız formal olaraq proseslərdə iştirak edəcək. Bununla da hakim prosesdə vəkillərin bir neçəsinin olmadığını əsas gətirərək prosesi fevralın 15-dək təxirə salıb.
Həmçinin vəkil H.Məmmədov bugünkü prosesə gətirilib. Lakin o, məhkəmənin qapalı keçirilməsinə etiraz əlaməti olaraq prosesdə üzünə maska taxıb, qulaqlarına pambıq tıxayıb və üzünü divara çevirib.
*Hilal Məmmədov iyunun 21-də həbs olunub. Cinayət Məcəlləsinin 274-cü (dövlətə xəyanət), 283.2.2-ci (milli, irqi, sosial və ya dini nifrət və düşmənçiliyin salınması) və 234.4.3-cü (qanunsuz olaraq külli miqdarda narkotik vasitələri əldə etmə, saxlama və satma) maddələri ilə təqsirləndirilir. -16B-
-
- İqtisadiyyat
- 13 Fevral 2013 13:23
-
- İqtisadiyyat
- 13 Fevral 2013 13:38
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz