![Human Rights Watch: Arif və Leylaya təcili tibbi yardım lazımdır](https://turan.az/resized/750/500/resize/media/2015/main/100800132290.jpg)
Human Rights Watch: Arif və Leylaya təcili tibbi yardım lazımdır
Oktyabrın 12-də Bakıda məhkəmə həbs edilmiş hüquq müdafiəçiləri Leyla və Arif Yunusun apellyasiyasına baxacaq. Hakimiyyət bütün ittihamları ləğv etməli və Yunusları azad etməlidir, bu barədə Human Rights Watch-un bəyanatında deyilir.
“Məhkəmə Azərbaycanda qanunçuluğun və ədalətin bərpasına doğru bir addım ata bilər”, deyə Human Rights Watch-un Avropa və Mərkəzi Asiya üzrə direktor müavini Reyçel Denber bildirib.
Leyla Yunus avqustun 13-də 8,5 il, həyat yoldaşı Arif isə 7 il azadlıqdan məhrumetmə cəzası alıb. Onlar həmçinin dövlətə xəyanətdə ittiham ediliblər, buna görə daha sonra mühakimə olunacaqlar.
Leyla Yunus Azərbaycanın aparıcı hüquq müdafiəçilərindən biridir, Sülh və Demokratiya İnstitutunun direktorudur, Arif Yunus isə tarixçi və ekspertdir.
Hər ikisi ciddi xroniki xəstəliklərdən əziyyət çəkirlər və təcili tibbi yardıma ehtiyacları var. Leyla Yunus diabetin ağır formasından, hepatit C-dən, hipertoniyadan və s. əziyyət çəkir. Arif Yunus həbsdə olarkən dəfələrlə ürəktutmalar və hipetoniya böhranları keçirib. “Bu insanlar üzərində məhkəmə və onların həbsxanada saxlanılması ədalətli mühakimənin ələ salınmasıdır”, deyə Denber bildirib.
2012-ci ildən hökumət onlarla fəalı və hüquq müdafiəçisini, müstəqil jurnalisti, siyasi xadimi və blogeri təqib edir, qorxudur və həbs edir.
“Azərbaycanın tərəfdaşları açıq-aşkar bildirməlidirlər ki, onların Bakı ilə münasibətləri hökumətin qanunun aliliyinə sadiqliyindən asılı olacaq. Leyla və Arifin indiyədək həbsdə olması və onlara qarşı saxta dövlətə xəyanət ittihamının ləğv edilməməsi hakimiyyətin qanunun aliliyinə riayət etmək niyyətində olmadığını göstərir”, deyə Denber bildirib. -0-
-
- İqtisadiyyat
- 8 Oktyabr 2015 18:43
-
- İqtisadiyyat
- 9 Oktyabr 2015 12:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz