Hüquq müdafiə təşkilatı xəbərdarlıq edir: Azərbaycanda vətəndaş cəmiyyətinə qarşı repressiyalar artır

Bazar ertəsi İnsan Hüquqları Evi Fondu (HRHF) Varşava İnsan Ölçülməsi Konfransında səsləndirdiyi bəyanatında Azərbaycanda vətəndaş cəmiyyətinə qarşı təzyiqin artmasını pisləyb, məşhur fəal Anar Məmmədlinin həbsini davam edən repressiyaların açıq-aşkar nümunəsi adlandırıb.

Demokratik institutlar panelində çıxış edən HRHF nümayəndəsi Deyv Elseroud ölkədə müstəqil səslərlə bağlı vəziyyətin pisləşdiyini vurğulayıb. “Azərbaycan tənqidi səslərin boğulması üzrə uzunmüddətli və yaxşı sənədləşdirilmiş tarixə malikdir”, deyə Elseroud bildirib. O qeyd edib ki, son bir il ərzində hakimiyyət repressiyaları gücləndirib, qalan müstəqil vətəndaş cəmiyyəti təşkilatlarına və KİV-lərə qarşı əsassız, lakin sərt cinayət ittihamları irəli sürüb.

Elseroud Seçkilərin Monitorinqi və Demokratiyanın Tədrisi Mərkəzinin rəhbəri və Human Rights House Azerbaijan-ın üzvü Anar Məmmədlinin hadisəsini xüsusi qeyd edib. Məmmədli aprelin 29-da, rəhbərlik etdiyi təşkilat fevralda keçirlən prezident seçkilərinin tənqidi təhlilini dərc etdikdən və COP29 öncəsi iqlim ədaləti üzrə yeni koalisiya yaradıldığını elan etdikdən sonra saxta ittihamlarla həbs edilib. Elseroud qeyd edib ki, Məmmədlinin saxlanılması Vyanada İnsan Ölçülməsi üzrə görüşdə iştirakından və Azərbaycanda saxta seçkiləri və insan hüquqlarının pozulmasını açıq şəkildə pisləməsindən sonra baş verib.

“Anarın saxlanılması və həbsdə qalması təcrid edilmiş şəkildə baş vermir”, deyə Elseroad əlavə edib. O qeyd edib ki, 2023-cü ildən etibarən Azərbaycan hakimiyyəti hüquq müdafiəçilərinə, vəkillərə, müstəqil jurnalistlərə, müxalif siyasətçilərə, vətəndaş cəmiyyəti fəallarına və alimlərə qarşı repressiyaları gücləndirib. Elseroad xəbərdarlıq edib ki, bu genişmiqyaslı repressiyalar, xüsusən COP29 və DTİHB-nin seçkiləri müşahidə missiyası tərəfindən rəqabətlilik və demokratik standartların olmaması ilə əlaqədar tənqidə məruz qalan növbədənkənar prezident və parlament seçkiləri ərəfəsində fərqli düşüncənin bütün formalarının və qanuni hüquq müdafiə işinin aradan qaldırılması təhlükəsi yaradır.

HRHF nümayəndəsi Avropa İttifaqı və ABŞ rəsmilərinin həmin gün səsləndirdiyi bəyanatları da təsdiq edərək, onları Azərbaycanda insan hüquqları sahəsində vəziyyətə göstərdikləri diqqətə görə alqışlayıb. O, iştirakçı dövlətləri Azərbaycanın İnsan Ölçülməsi Konfransında iştirakının dəyərini nəzərdən keçirməyə çağırıb və israrla COP29-dan əvvəl repressiv tədbirlərin aradan qaldırılması məqsədilə Azərbaycan hakimiyyətinə təzyiq göstərmək üçün addımlar atmağı tələb edib.

Demokratik İnstitutlara həsr olunmuş Varşava Konfransı hökumətlə əlaqəsi olan vətəndaş cəmiyyəti təşkilatlarının iştirakının artmasının şahidi olub, HRHF bunu Azərbaycanda repressiyaların davam etməsi ilə əlaqələndirir. Fondun bəyanatında qeyd edilir ki, Azərbaycanda insan hüquqları sahəsində vəziyyət və ölkədə vətəndaş cəmiyyəti üçün məkanın daralması ilə bağlı beynəlxalq narahatlığın artdığı vurğulanır.