![Hüquq müdafiəçiləri ATƏT-i həbslərə göz yummamağa çağırıb](https://turan.az/resized/750/500/resize/media/2013/main/020700027552.jpg)
Hüquq müdafiəçiləri ATƏT-i həbslərə göz yummamağa çağırıb
“Siyasi Məhbuslarsız Azərbaycan” İctimai Alyansı Müsavat Partiyası başqanının müavini Tofiq Yaqublu və REAL hərəkatının rəhbəri İlqar Məmmədovun vicdan məhbusu elan olunması ilə bağlı beynəlxalq hüquq təşkilatı olan Amnesty İnternational-a müraciət edəcək. Bu barədə “Siyasi Məhbuslarsız Azərbaycan” İctimai Alyansının koordinatoru Oqtay Gulalıyev RATİ-də son günlər Binə və İsmayıllı hadisələri zamanı digər həbs olunanların hüquqlarının müdafiəsi ilə bağlı toplantıda deyib.
Onun sözlərinə görə, vətəndaş cəmiyyəti artıq bu hadisələrlə bağlı həyacan təbili çalır.
Belə ki, hakimiyyət tərəfindən edilən son həbslər onu göstərir ki, Azərbaycanda siyasi məhbusların sayı durmadan artır. Bu həbslərin qarşısını almaq məqsədilə yaxın günlərdə işçı qrupunun yaradılacağını deyən O.Gulalıyev həbs olunanların birgə müdafiə sisteminə ehtiyacı var. Bundan əlavə, koordinator ölkədə olan kütləvi həbslərlə bağlı hüquq müdafiəçilərindən, vəkillərdən, jurnalistlərdən, vətəndaş cəmiyyətinin nümayəndələrindən beynəlxalq təşkilatlardan ibarət böyük forumun keçirilməsini təklif edib.
Son günlər Binə və İsmayıllı hadisələri zamanı digər həbs olunanlara hüquqi qiymət verən vəkil Asabəli Mustafayev seçkiqabağı bu həbslərin gözlənilən olduğunu deyib.
Vəkil Avropa Şurası Parlament Assambleyasının (AŞPA) son sessiyasında Almaniya parlamentinin üzvü Kristofer Ştrasserin Azərbaycanda siyasi məhbuslarla bağlı hesabatının qəbul edilməməsinə toxunub.
“Burada ən çox məsuliyyət bizim üzərimizə düşür. Daha yaxşı işləmək lazim idi. Avropa Şurasının 600 dən çox deputatı var. Onların bir çoxu Azərbaycandakı vəziyyətdən xəbərdar deyil. Onların ölkədəki vəziyyət barədə maraqlandırılmasına çalışmalıydıq”, - vəkil vurğulayıb.
Vəkil alyansın saytının, bu işləri həyata keçirən vahid qurumun yaradılmasının vacibliyini bildirib.
Sonra keçmiş siyasi məhbuslar çıxış edərək ölkədə yaranmış vəziyyətdən narahatlıqlarını bildiriblər. Onlar ATƏT-in Baki ofisinin məsuliyyət hissinin artırılması, ölkədəki həbslərə göz yummaması ilə bağlı sosial şəbəkələrdə kampaniya yaradılmasını təklif ediblər.-16C-
-
- İqtisadiyyat
- 7 Fevral 2013 14:08
-
- İqtisadiyyat
- 7 Fevral 2013 14:42
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz