Hüquq müdafiəçiləri iflic fəalın işini Avropa diplomatları ilə müzakirə ediblər
Həbsdə olan birinci qrup əlil Famil Xəlilovun işi və sağlamlıq vəziyyəti Avropa İttifaqının Bakıdakı ofisində hüquq müdafiəçilərinin Avropa diplomatları ilə görüşünün müzakirə predmeti olub. Görüşdə Rüfət Səfərov, Fuad Hənəsov və Xəlilovun həyat yoldaşı iştirak ediblər.
Aİ missiyasının, Almaniya, Fransa və Niderland səfirliklərinin əməkdaşları vəziyyət haqqında məlumatlandırılıb.
"Biz Famil Xəlilovun qanunsuz həbsini, onun şərlənməsini diqqətə çatdırdıq. Həmçinin Famil Xəlilovun qollarının iflic olmasını, əllərində və qulaqlarının arxa hissəsində hazırda çürümə getdiyini bildirdik", deyə Rüfət Səfərov Turan Agentliyinə bildirib.
Onun sözlərinə görə, hüquq müdafiəçiləri Aİ nümayəndəliyindən və Aİ ölkələrinin səfirliklərindən Xəlilovun humanitar əsaslarla azad edilməsi üçün Prezident Administrasiyasına və Azərbaycan XİN-ə müraciət etməyi xahiş ediblər.
Səfərov görüşün yekunlarından məmnunluğunu bildirib və gələcək addımların nəticəsinin olacağına və Xəlilovun ən azı ev dustaqlığına buraxılacağına ümid etdiyini deyib.
Səfərovun sözlərinə görə, görüşdə ölkədə insan hüquqlarının vəziyyəti, repressiv mühit və siyasi motivli həbslər də müzakirə olunub.
Siyasət
-
“Şərq-Qərb” və “Şimal-Cənub” nəqliyyat dəhlizləri üzrə qarşılıqlı fəaliyyət Azərbaycan ilə Şanxay Əməkdaşlıq Təşkilatına üzv dövlətlər arasında əməkdaşlığın vacib sahəsini təşkil edir. Bu barədə Azərbaycan prezidenti İlham Əliyev bu gün Astanada “ŞƏT plyus” formatında görüş zamanı bildirib.
-
2023-cü il oktyabrın 12-də İranda həbsdən qaçıb ağ bayraq qaldıraraq Azərbaycan Respublikasının dövlət sərhədini keçib təslim olan İran vətəndaşı, azərbaycanlı fəal Puya Purhemməti Azərbaycan dövlət hakimiyyəti orqanlarında məruz qaldığı qanunazidd hallarla bağlı iyulun 3-də Azərbaycan Baş Prokurorluğunda sorğu-sual edilib.
-
İyulun 3-də Bakı Apellyasiya Məhkəməsi “Kanal-13” İnternet- televiziyanın əməkdaşı Şamo Eminovun həbs müddətinin uzadılması barədə şikayəti təmin etməyib. Bu barədə Turan-a onun vəkili Elçin Sadıqov bildirib. Onun sözlərinə görə, Eminov prosesdə iştirak edib və məhkəmənin qərarına etiraz edib.
-
Müsavat Partiyası sentyabrın 1-də Milli Məclisə keçiriləcək növbədənkənar seçkilərdə iştirak edəcək. Bu qərar Partiya Məclisinin bugünkü ilcasında qərara alınıb. Partiyanın seçki qərargahı yaradılıb, qəragaha Məclis sədri Arif Hacılı rəhbərlik edəcək.
Rəy yaz