Bakı/17.01.20/Turan: 27 saylı Sabunçu İkinci Seçki Dairəsinin dairə seçki komissiyası Azərbaycan Siyasi Məhbusların Monitorinqi Mərkəzinin rəhbəri Elşən Həsənovun deputatlığa namizədliyini qeydiyyata almaqdan imtina edib.
E.Həsənov Turan-a bildirib ki, DSK-da ona deyiblər ki, imza vərəqələrində tələb olunan 450 imzanın əvəzinə 449 imza var.
“Mən 450 etibarlı imza təqdim etdim. Nüsxələri qalır”, - E.Həsənov deyib. Fəal DSK-nın qərarını əsassız və qərəzli hesab edir.
“Mənə lap əvvəldən maneələr yaratdılar. Gah bankda hesab açılmasını yubatdılar, gah da imza vərəqələri vermədilər. Süni məhdudiyyətlərə baxmayaraq, bütün imzaları topladım”, - E.Həsənov deyib. O, MSK-ya, sonra isə məhkəməyə şikayət etmək niyyətindədir.
E.Həsənov keçmiş “vicdan məhbusu”dur. 2014-cü ilin oktyabrında digər siyasi məhbuslarla birlikdə Siyasi Məhbusların Monitorinqi Mərkəzini yaradıb.–06D-
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz