![Hüquq müdafiəçisi Rəsul Cəfərov Avromaydanda çıxış edib](https://turan.az/resized/media/2013/main/121700062088-750-500-resize.webp)
Hüquq müdafiəçisi Rəsul Cəfərov Avromaydanda çıxış edib
Azərbaycanın vətəndaş cəmiyyəti fəalı, İnsan Haqları Klubunun rəhbəri Rəsul Cəfərov dekabrın 17-də Kiyevdə Avromaydanda çıxış edərək Azərbaycan demokratlarının Ukrayna Avrointeqrasiya tərəfdarları ilə həmrəyliyini ifadə edib.
R.Cəfərov REAL hərəkatının lideri, həbsdə olan İlqar Məmmədovun salamını çatdırıb. “İlqar da sizin kimi hüquq, bərabərlik, öz ölkəsinin azadlığı və işıqlı gələcəyi uğrunda mübarizə aparır. Vətəndaş cəmiyyətinin digər fəalı Anar Məmmədli dünən həbs edilib. Səbəb rəhbərlik etdiyi təşkilatın 9 oktyabr seçkilərinin monitorinqini keçirməsi və rəsmi nəticələri tənqid etməsidir.
Məhz buna görə İlqar və Anar həbs edilib. Bu, Azərbaycandakı 143 siyasi məhbusdan 2-dir. Siyasi məhbusların arasında blogerlər, gənclər və dini fəallar var”, - R.Cəfərov bildirib.
“Avromaydan” iştirakçıları ilə həmrəyliyini ifadə edən R.Cəfərov Ukrayna hakimiyyətinin Kiyevdə dinc nümayişçilərə qarşı “Berkut” xüsusi təyinatlı bölmə qüvvələrini tətbiq etməsini pisləyib. O, Ukrayna hökumətini öz beynəlxalq öhdəliklərinə əməl etməyə, vətəndaşların hüquq və azadlıqlarını təmin etməyə çağırıb.
Xatırladaq ki, bazar günü Müsavat Partiyasının lideri İsa Qəmbər Avromaydanda çıxış edib.—06D-
-
- İqtisadiyyat
- 17 Dekabr 2013 11:55
-
- Siyasət
- 17 Dekabr 2013 13:23
Siyasət
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
-
1 saylı Bakı İstintaq Təcridxanasında saxlanılan İstanbul Universitetinin doktorantı Fazil Qasımov 33 gündür “qanunsuz həbsinə” etiraz olaraq aclığı davam etdirir. O, yalnız su qəbul edir.
Rəy yaz