![İ.Ağazadə: Prezidentliyə namizədlərin təşviqat imkanları məhduddur](https://turan.az/resized/media/2013/main/100300052140-750-500-resize.webp)
İ.Ağazadə: Prezidentliyə namizədlərin təşviqat imkanları məhduddur
Azərbaycanda seçkiqabağı kampaniya təşviqat üçün məhdud imkanlar şəraitində keçirilir. Bu barədə Turan-ın müxbiri ilə söhbətində prezidentliyə namizəd, Ümid Partiyasının lideri İqba Ağazadə bildirib.
Onun sözlərinə görə, hakimiyyət təşviqat kampaniyası aparılmasına maneələr yaradır, seçicilərə müxalif namizədlərlə görüşlərə getməməküçün təsir göstərir. Bu zaman polisdən, xüsusi xidmətlərdən, bələdiyyələrdən, yerli icra hakimiyyətindən istifadə olunur. Görüşlərin iştirakçılarının müəyyən edilməsi üçün videoçəkilişlər aparılır.
Bundan başqa, bəzi hallarda görüşlər pozulur. Belə ki, sentyabrın 22-də hakimiyyət Ağstafada Ümid Partiyasının seçkiqabağı mitinqini pozub.
Masallıda Ümid Partiyasının seçicilərlə görüş keçirməsindən ümumiyyətlə imtina ediblər.
Ümid Partiyasının seçki qərargahının üzvləri Sumqayıtda sakinlərə təşviqat bukletləri paylayarkən saxlanılıblar. Bakıda da buna bənzər hadisə baş verib, partiya üzvləri saxlanılaraq, Nəsimi rayon 22-ci polis bölməsinə aparılıblar.
İctimai Televiziyada ayrılmış pulsuz efir vaxtı da qanun pozuntusuna yol verilməklə paylanıb.
“Seçki Məcəlləsində yazılıb ki, namizəd öz çıxış formasını özü müəyyən edir. Amma buna zidd olaraq, bizə “dəyirmi masaları” zorla qəbul etdiriblər”, deyə Ağazadə bildirib.
Onun sözlərinə görə, Ümid Partiyası KİV-də təşfiqat və seçkiqabağı görüşlərin keçirilməsi imkanlarının məhdud olduğu bir şəraitdə öz təşviqat bukletlərini hər bir ailəyə aparmağı qərara alıb.
Ümumiyyətlə, Ağazadənin fikrincə, kampaniya siyasi mübarizə imkanlarının kəskin şəkildə məhdudlaşdırıldığı bir şəraitdə keçirilir. “Bu hakimiyyətin siyasi fəaliyyət üçün məkanın daraldılması, fərqli düşüncənin qəbul edilməməsi üzrə çoxillik siyasətinin nəticəsidir”, Ağazadə belə hesab edir. -06C-
-
- İqtisadiyyat
- 3 Oktyabr 2013 17:35
-
- Siyasət
- 3 Oktyabr 2013 18:55
Siyasət
-
İyulun 31-də Bakı Apellyasiya Məhkəməsində talış tədqiqatçısı İqbal Əbilovun həbsindən verilən şikayətə baxılıb.
-
Çərşənbə günü xarici işlər naziri Ceyhun Bayramov ATƏT-in Demokratik Təsisatlar və İnsan Haqları Bürosunun Seçkiləri Müşahidə Missiyasının rəhbəri Ditmir Buşatini qəbul edib.
-
Milli Məclisin sabiq deputatı Hüseyn Abdullayevin cinayət işi üzrə ibtidai istintaq başa çatıb.
-
“Məhbusları çarmıxa çəkib döyür, dəhlizlərdəki "reşotka"lardan asırlar“- “Abzas Media” nəşrinin direktoru Ülvi Həsənli 6 ayda təcridxanada gördüklərindən yazır.
Rəy yaz