![İctimai fəal Əbülfəz Qurbanlı “Abzas Media” işi üzrə dindirilib](https://turan.az/resized/news/2024/WOC4T322zEYE4cHKx8zYoxY4V2lFtDBCqvgsFEJJ-750-500-resize.webp)
İctimai fəal Əbülfəz Qurbanlı “Abzas Media” işi üzrə dindirilib
İctimai fəal Əbülfəz Qurbanlı “Abzas Media” işi üzrə dindirilib
Bu gün ictimai fəal Əbülfəz Qurbanlı Bakı Şəhər Baş Polis İdarəsində üç saat dindirilib.
Qurbanlı polis idarəsindən çıxarkən jurnalistlərə bildirib ki, “Abzas Media” işi üzrə şahid qismində dindirilib.
Lakin fəalın sözlərinə görə, onun bu nəşrlə heç bir əlaqəsi yoxdur.
Qurbanlı istintaq sirrinin açıqlanmamasına dair öhdəliklərlə əlaqədar digər şərhlərdən çəkinib.
Qeyd edib ki, polisdə ona düzgün münasibət göstəriblər, heç bir təzyiq olmayıb.
Qurbanlı 2002-ci ildən ictimai-siyasi fəaliyyətlə məşğul olub, Xalq Cəbhəsi Partiyasının üzvü olub. 2015-ci ildə partiyadan çıxıb.
2021-ci ildən “Artikl 54” İctimai Birliyinin həmtəsisçisi və icraçı direktorudur.
Təşkilat ictimai iştirakçılıq, ictimai nəzarət, icma quruculuğu və inkişafı ilə bağlı müxtəlif məsələlərlə məşğul olur.
**2023- ilin noyabrından 2024-cü ilin yanvarına qədər “Abzas Media” ilə əlaqəli səkkiz jurnalist və media işçisi həbs olunub.
Apreldə meclis.info saytının rəhbəri İmran Əliyev və Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli həbs ediliblər.
İş üzrə müttəhimlərə "qabaqcadan əlbir olaraq xarici valyuta qaçaqmalçılığı" ittihamı irəli sürülüb. Jurnalistlər ittihamları rədd edirlər və cinayət işini korrupsiya faktlarının araşdırılması ilə əlaqələndirirlər. İmran Əliyev və Anar Məmmədli “Abzas Media”nın fəaliyyətinə bağlı olmadıqlarını bildiriblər. Hüquq müdafiəçiləri həbs olunanları siyasi məhbuslar kimi tanıyıblar.
Rəy yaz
-
- Dünyada
- 3 May 2024 14:18
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
1 rəy
Vazeh
2024-05-03
Bəy, çox şadam ki, heç bir xüsusi problem olmadı və hər şey öz qaydasında oldu. O gün olsun ki, ölkəmizdə siyasi məhbusların hamısı tezliklə azadlıqlarına qovuşsun, bütövlükdə ölkəmiz qaranlıq tuneldən işığa çıxsın, Azərbaycanda siyasi məhbusları yaradan mexanizm özü iflic olsun, demokratik sistemlə əvəz edilsin.