![İctimai fəal Nicat İbrahimi ölkədən buraxmayıblar](https://turan.az/resized/news/2024/cS8ua34ICSpmyLTQhdZdIlsHe72l7xCgxnRPrkM0-750-500-resize.webp)
İctimai fəal Nicat İbrahimi ölkədən buraxmayıblar
İctimai fəal Nicat İbrahimi ölkədən buraxmayıblar
İctimai fəal Nicat İbrahim sentyabrın 6-da Azərbaycandan çıxa bilməyib. Bakı beynəlxalq aeroportunun sərhəd məntəqəsində onu Kişinyov reysinə buraxmayıblar.
"Biz ailəliklə Kişinyova gedirdik, ancaq məni sərhəd məntəqəsində buraxmadılar və bildirdilər ki, Daxili İşlər Nazirliyi ölkədən çıxışıma "stop" qoyub", - o, Turan-a bildirib.
Eyni zamanda İbrahimin xanımı və iki azyaşlı qızını buraxıblar. "Ailə üzvləri geri qayıtmaq istədilər, ancaq onlara dedilər ki, təyyarədən yalnız polisin nəzarəti altında buraxılacaqlar. Nəticədə onlar getdilər, mən qaldım", - İbrahim deyib
"Mənə qarşı cinayət işi yoxdur. 2021-ci ildə məni koronavirusun yayılması ittihamı ilə bir il 3 ay mühakimə etdilər. Əslində Prezident Administrasiyasının qarşısında etiraz aksiyası keçirmək niyyətimə görə həbs olundum. Mən bu cəzamı tam çəkmişəm", - İbrahim deyib.
Fəalın sözlərinə görə, 2022-ci ildə onu bir dəfə ölkədən buraxmayıblar. Bu ilin mayında məhkəmə qanunsuz hesab etdikdən sonra da qadağa götürülməyib.
"Məhkəmə qərarından sonra düşünürdüm ki, problem yoxdur, amma belə deyilmiş", - İbrahim deyib.
"Bu qadağa mənim ictimai fəaliyyətimlə bağlıdır. Mən qanunsuzluğun əleyhinəyəm və sosial şəbəkələrdə bunu tənqid edirəm", - Nicat İbrahim əlavə edib.
-
- Mədəniyyət
- 6 Sentyabr 2024 13:50
-
- Cəmiyyət
- 6 Sentyabr 2024 14:50
Siyasət
-
İranın xarici işlər naziri Abbas Arakçı ölkənin bölgədə sərhədlərin dəyişməsi ilə qəti şəkildə razılaşmadığını bildirib, İran KİV məlumat yayıb. "Regional sülh, təhlükəsizlik və sabitlik, sadəcə, bir üstünlük deyil, bizim milli təhlükəsizliyimizin təməlidir", - Arakşı X hesabında yazıb.
-
“Biz Cənubi Qafqazda sülhə nail ola bilərik və bu gün Azərbaycan ilə Ermənistan arasında sülh istiqamətində aparılan danışıqlarda görürük ki, bu mümkündür”, - prezident İlham Əliyev sentyabrın 6-da İtaliyada Çernobio Beynəlxalq Forumunda çıxış edərkən bildirib.
-
ABŞ Müdafiə Kəşfiyyat İdarəsinin Avropa Avrasiya Regional Mərkəzinin rəhbəri Patrik Prioru ABŞ-Azərbaycan təhlükəsizlik əlaqələrinin möhkəmləndirilməsi yolları ilə bağlı Azərbaycan hökumətilə danışıqlar aparmaq üçün Bakıya gəlib. Bu barədə ABŞ-ın Azərbaycandakı səfiri Mark Libbi öz Tvitter hesabında yazıb.
-
Cümə axşamı Ağ Ev Rusiya prezidenti Vladimir Putinə kəskin cavab verərək onu ABŞ-da prezident seçkilərinə müdaxilə etməməyə çağırıb.
İran Zəngəzur dəhlizinə görə Rusiyaya qarşı çıxır? – Elxan Şahinoğlu Çətin sualda
Xəbər lenti
-
- Cəmiyyət,
- 14:50
- 218
Rəy yaz