İctimai Palata deputatın əməlini dələduzluq yox, dövləti cinayət sayır

İctimai Palata deputat Gülər Əhmədova ilə fəaliyyəti dayandırılmış Beynəlxalq Azərbaycan universitetinin rektoru Elşad Abdullayevin depuatat seçilməsilə bağlı rüşvət qalmaqalına dair şənbə günü Müsavat partiyasının ofisində dinləmələr keçirib.

Müsavat partiyası başqanı İsa Qəmbər bu videogörüntüləri mövcud iqtidarın mahiyyətinin ifşası kimi dəyərləndirib. Bu hadisə həm də mövcud iqtidarın ifşasından iflasına gedən yol kimi qiymətləndirilib. 

Hüquq-mühafizə oqranlarının hadisəyə dələdzuluq kimi yanaşması və cinayət məcəlləsinin dələduzluq maddəsilə cinayət işi başlamasına etiraz edilib. İP faktı ağır dövləti cinayət kimi dəyərləndirib. Həm də bu faktlın təkcə G.Əhmədovaya aid olmadığı bütünlükdə iqtidarın ölkədə “deputat seçimi”ni necə aparması mexanizminin üzə çıxması hesab edib. Baş verən hadisənin 1993-cü ildən bu yana keçirilən bütün seçkiləri saxta saymaq üçün yetərli olduğu nəzərə çatdırılıb. Bu seçki saxtakarlığın hər bir vətənadşın haqqını tapdadığı üçün xalqa bu hadisəıyə etiraz etmək çağırışı edilib. Natiqlər rejimi saxtakar sayaraq rejimə “get” deməyin vaxtı çatdığını vurğulayıblar. 

Çıxış yoli kimi iqtidara mövcud parlamentin buraxılması təklif olunub. Yeni ədalətli seçkilər keçirilməsi tələb olunub. Əks halda bu addımı atmadığına görə iqtidara peşiman olacağı xəbərdarlığı edilib. 

Keçmiş rektorun bu məəslə barəsində hüquq-mühafizə orqanlarına materiallar göndərməısinə baxmayaraq aradırılmaması da diqqət mərkəzində olub. Bu məsələnin hansı səbəblər üzündən uzuün müddət  araşdırılmaması ilə bağlı hüquq-mühafizə orqanlarına sorğular göndərilməsi təklif edilib. Bununla yanaşı bu olayı daim diqqət mərkəzində saxlamaq irəli sürülüb. Bu fakt əsasında seçkilərin saxta keçirildiyi qənaətini ifadə edən natiqlər Avropa Şurasına müraciətlər göndərərək saxta seçkilə deputat mandatı alanların Avropa Şurasında xalqı təmsil etmək hüquqları olmadığını bildiriblər. Daha bir maraqlı məsələ bu oldu ki, məhz G.Əhmədovanın yalan ifadəsi əsasında həbsə alınan “Xural” qəzetinin redaktoru Əvəz Zeynalovun azadlığa buraxılması məsələsi gündəmə gətirildi. 

Tədbirin sonunda baş vermiş hadisənin mahiyyətini xalqa açıqlayan müraciət qəbul edildi.-05C-