NİDA gənclər təşkilatının fəalı saxlanılıb

Bu gün səhər saatlarında polis bloger və NİDA müxalif gənclər təşkilatının fəalı Zaur Qurbanlını saxlayıb.

Yoldaşlarının Turan-a verdiyi məlumata görə, Qurbanlı səhər Şəkiyə getməyə hazırlaşarkən saxlanılıb. Əvvəlcə polis onu Yasamal rayon polis şöbəsinə aparıb, daha sonra digər ictimai qurumun – keçmiş siyasi məhbus və bloger Bəxtiyar Hacıyevin rəhbərlik etdiyi “Pozitiv dəyişikliklər”in ofisinə gətiriblər. 

“Qurbanlı ilə gələn polislər axtarış apardılar və NİDA-ya məxsus çap materiallarını müsadirə etdilər”, deyə Bəxtiyar Hacıyev Turan-a bildirib.

Mülki geyimli bu 10 şəxs özlərini təqdim etməyiblər, deyə Hacıyev qeyd edib.

Bu arada, saxlanılan Qurbanlının yoldaşları onu saxlayanların özlərini Mütəşəkkil Cinayətkarlığa qarşı Mübarizə İdarəsinin işçiləri kimi təqdim ediblər. Qurbanlının məhz nədə ittiham olunduğu məlum deyil.

Bu fəal İnternetdə fəallığı və hakimiyyətin siyasətini tənqid etməsi ilə məşhurdur. Öz növbəsində, Yasamal rayon Polis İdarəsindən bildiriblər ki, Zaur Qurbanlı onların İdarəsinə gətirilməyib. DİN-in mətbuat xidməti ilə əlaqə saxlamaq mümkün olmayıb. -02В-