Azərbaycan İslam Partiyasının (AİP) bir qrup fəalı və dindarlar bu gün saat 11.00 radələrində Fransa səfirliyi qarşısında etiraz aksiyası keçirməyə cəhd ediblər. Onlar Fransanın həftəlik Şarli Ebdo jurnalında Məhəmməd peyğəmbərin (s) karikaturalarının dərc edilməsinə etiraz edirdilər.
Lakin gücləndirilmiş polis dəstələri aksiya iştirakçılarının səfirlik qarşısında toplaşmasına imkan verməyiblər. Polis onlarla piketçini səfirliyin qarşısında yerləşən parkdan uzaqlaşdırıb. Ən fəal iştirakçılar saxlanılıb və polis bölməsinə aparılıb. Saxlanılanlar arasında AİP sədr müavini Akif Heydərli də var.
Bu arada, parkın içərisində toplaşan çadralı qadınlar “İslama eşq olsun!”, “İslam düşmənlərinə ölüm!”, “İsrailə və ABŞ-a lənət olsun!” şüarları səsləndiriblər.
Daha bir qrup islamçı “Sahil” bağında etiraz etməyə çalışıb, lakin polis onları da dağıdıb. Ümumilikdə 10 nəfər saxlanılıb.
12.30 radələrində islamçılar ABŞ səfirliyi qarşısında Amerikada çəkilmiş “Müsəlmanların məsumiyyəti” filminə qarşı etiraz aksiyası keçirməyə cəhd ediblər. -06C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz