İki erməni BQXK-nin vasitəçiliyi ilə Ermənistana qaytarılıb

İki erməni - ötən həftənin sonunda Azərbaycan sərhədini keçən mülki şəxslər Beynəlxalq Qırmızı Xaç Komitəsinin (BQXK) vasitəçiliyi ilə Ermənistan hakimiyyətinə təhvil verilib. 

 
BQXK nümayəndəliyindən Turan-a verilmiş məlumata görə, bir kişi və bir qadın Azərbaycanın Qazax şəhəri ilə Ermənistanın İcevan şəhəri arasındakı yolda Ermənistan rəsmilərinə təhvil verilib.
 
Sözügedən şəxslər Ermənistana qaytarılmazdan əvvəl BQXK nümayəndələri onlarla görüşüblər və bu şəxslər könüllü olaraq Ermənistana qayıtmaq istədiklərini təsdiq ediblər.
 
Ermənistanın Noyemberyan rayonunun Dovex kənd sakini Durmuş Karyan və İcevan rayonunun Ayqovid kənd sakini Anaid Arakelyan martın 16-da və 17-də Ermənistan ərazisindən Azərbaycan ərazisinə keçiblər və Azərbaycan Silahlı Qüvvələrinin nümayəndələri tərəfindən saxlanılaraq, Hərbi əsirlərin, Girovların və İtkin düşmüşlərin işləri üzrə Dövlət Komissiyasına təhvil veriliblər.
 
Bu qurum dərhal saxlanılanları Ermənistana qaytarmağa hazır olduğunu bəyan edib. -06D-

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti