İlham Əliyev ABŞ Dövlət Departamentinin və Britaniya baş nazirinin nümayəndələrini qəbul edib
Bu gün Prezident İlham Əliyev ABŞ dövlət katibinin energetika siyasəti üzrə müşaviri Amos Haksteyni qəbul edib.
Amerikalı diplomat Barak Obamanın ənənəvi beynəlxalq Xəzər Neft-Qaz Sərgisi ilə əlaqədar məktubunu təqdim edib.
Görüş zamanı Azərbaycan və ABŞ arasında tərəfdaşlıq münasibətlərinin inkişafından məmnunluq ifadə olunub, ikitərəfli münasibətlərin perspektivləri, Qarabağ münaqişəsinin tənzimlənməsi və qarşılıqlı maraq doğuran digər məsələlərlə bağlı fikir mübadiləsi aparılıb.
Bu gün Əliyev Böyük Britaniya baş nazirinin Azərbaycan, Qazaxıstan və Türkmənistan ölkələrində ticarət məsələləri üzrə elçisi Çarlz Endrini qəbul edib.
Britaniya nümayəndəsi Azərbaycan qazının Avropaya nəqli baxımından 2013-cü ilin mühüm il olduğunu qeyd edib. -06D-
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz