Bakı/30.01.18/Turan: Bu il məcburi köçkünlər üçün mənzil tikintisi davam edəcək və 20 min nəfər yeni mənzil alacaq, bu barədə dövlət başçısı İlham Əliyev 2014-2018-ci illər üçün ölkə regionlarının inkişafı üzrə dövlət proqramının dördüncü ilinin yekunlarına həsr olunmuş konfransda çıxış edərkən bildirib.
Bu günə qədər 265 min köçkün yeni ev və ya mənzil alıb, deyə o qeyd edib.
Əliyev bu cür layihələrin həyata keçirilməsini Azərbaycanın ərazi bütövlüyünü bərpa etmək və yeni şəhərlər salmaq və bütün infrastrukturu qurmaq qətiyyətinin göstəricisi adlandırıb.
"Bu gün ölkənin ərazi bütövlüyünün bərpası bizim əsas vəzifəmizdir", deyə o qeyd edib.
İqtisadi məsələlərə toxunan Əliyev böyük biznes qurumlarını dövlətin sahibkarlar üçün yaratdığı şərtlər müqabilində "sosial məsuliyyətini dərk etməyə" çağırıb.
O, bu məsuliyyətin məhz nədən ibarət olduğunu və biznes qurumlarının məhz nə etməli olduğunu açıqlamayıb.
Daha sonra o, bu il özünüməşğulluq proqramının həyata keçirildiyini, bu proqrama 30 mln. manat ayrıldığını xatırladıb. Bu proqrama 6-7 min ailə cəlb ediləcəyini deyən prezident onun nəyi nəzərdə tutduğunu açıqlamayıb. Amma əlavə edib ki, dövlət aztəminatlı ailələrə dəstək göstərəcək, insanların öz işlərini qurması üçün pulsuz zəruri xidmətlə, vəsaitlə təmin edəcək.
"Biz hər il 6-7 min ailə üçün belə şərait yaratsaq, onda heç kimin sosial yardıma ehtiyacı olmayacaq", deyə o əlavə edib.
Daha sonra Əliyev prezident seçkiləri məsələsinə toxunub. "2003-cü il seçkilər ərəfəsində mən bildirdim ki,xalq mənə etibar etsə, birinci növbədə regionların problemləri ilə məşğul olacağam. Regionlarda sürətli sosial-iqtisadi inkişaf başlayacaq. Son 14 il göstərdi ki, bu vədlər tamamilə yerinə yetirilib", deyə Əliyev bildirib.
Onun sözlərinə görə, ölkə bütün sahələrdə böyük uğurlar əldə edib: ölkənin beynəlxalq nüfuzu artıb, siyasi və iqtisadi islahatlar isə dünya ictimaiyyəti tərəfindən yüksək qiymətləndirilib. Ölkədə təhlükəsizlik, sabitlik təmin edilib.
"Bu gün inkişaf və vətəndaş həmrəyliyi parametrlərinə görə Azərbaycan dünyada nümunəvi ölkələrdən biridir", deyə Əliyev bildirib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz