Vaşinqton Putin komandasına qarşı yeni sanksiyalara bir addım məsafədədir

Bakı/30.01.18/Turan: ABŞ Maliyyə Nazirliyi Konqresin 2016-cı ildə ABŞ prezidenti seçkilərinə müdaxiləyə görə Moskvaya qarşı tədbirlər görülməsi haqqında sorğusuna cavab olaraq "Kreml məruzəsi" dərc edib.

Bazar ertəsi, yanvarın 29-da axşam dərc edilmiş siyahıda ümumilikdə 210 ad sadalanıb, onların arasında 114 məmur və 96 oliqarx var.

Eyni zamanda, ABŞ administrasiyası hazırda siyahı fiqurantları barəsində heç bir məhdudlaşdırıcı tədbir görməmək qərarını açıqlayıb. Bu siyahı sanksiya siyahısı deyil, deyə Amerika Maliyyə Nazirliyi bildirib. Bu zaman "Kreml məruzəsi" siyahıda adı keçən şəxslərin bəziləri barəsində əvvəlcədən tətbiq edilmiş məhdudlaşdırıcı tədbirləri aradan qaldırmır.

RF Nazirlər Kabinetinin bütün üzvləri - RF baş naziri Dmitri Medvedev, baş nazirin birinci naziri İqor Şuvalov, hökumətin aparat rəhbəri Sergey Prixodko, baş nazir müavinləri Aleksandr Xloponin, Vitali Mutko, Arkadi Dvorkoviç, Olqa Qolodets, Dmitri Kozak, Dmitri Roqozin və digər hökumət üzvləri, xüsusən xarici işlər naziri Sergey Lavrov, müdafiə naziri Sergey Şoyqu, maliyyə naziri Anton Siluanov və ədliyyə naziri Aleksandr Konovalov siyahıya düşüb.

Bundan başqa, siyahıya Federasiyalar Şurasının sədri Valentina Matvienko, Dövlət Dumasının spikeri Vyaçeslav Volodin, Xarici Kəşfiyyat Xidmətinin rəhbəri Sergey Narışkin, baş prokuror Yuri Çayka, Moskva meri Sergey Sobyanin, Sankt-Peterburq qubernatoru Georgi Poltavçenko, İstintaq Komitəsinin rəhbəri Aleksandr Bastırkinin adı da düşüb.

Siyahının fiqurantları arasında RF Prezident Administrasiyasının 33 əməkdaşı, xüsusən Administrasiya rəhbəri Anton Vayno, prezidentin mətbuat katibi Dmitri Peskov, Prezident Administrasiyası rəhbərinin birinci müavinləri Aleksey Qromov və Sergey Kirienko, prezidentin müşavirləri Sergey Qlazyev, Sergey Qriqorov, German Klimenko, Anton Kobyakov, Aleksandra Levitskaya, Vladimir Tolstoy və Veniamin Yakovlev, İnsan Hüquqları üzrə Prezident Şurasının rəhbəri Mixail Fedotov, prezidentin köməkçiləri Larisa Brıçeva, Vladislav Surkov, İqor Levitin, Vladimir Kojin, Yuri Uşakov, Andey Fursenko, İqor Şeqolev də var.

Bundan başqa, "Kreml məruzəsi"nin birinci hissəsinə FTX rəhbəri Aleksandr Bortnikov, RF Təhlükəsizlik Şurasının katibi Nikolay Patruşev, onun müavini Rəşid Nurqaliyev, Baş Kəşfiyyat İdarəsinin rəhbəri İqor Korobov, RF SQ Baş Qərargah rəisi Valeri Gerasimov və Federal Gömrük Xidmətinin rəhbəri Vladimir Bulavin də daxil olub.

Bundan başqa, siyahıya dövlət nəzarətində olan şirkətlərin rəhbərləri - Aleksey Miller ("Qazprom"), İqor Seçin ("Rosneft"), German Qref ("Sberbank"), Oleq Belozerov ("Rusiya Dəmir yolları"), Vitali Savelyev ("Aeroflot"), Andrey Akimov ("Qazprombank"), Andrey Kostin (Bank VTB), Aleksey Lixaçev ("Rosatom") və başqalarının adları da düşüb.

Oliqarxlar siyahısında Roman Abramoviç, Oleq Deripaska, Süleyman Kərimov, Yelena Baturina, Mixail Fridman, Petr Aven, Vladimir Potanin, Alişer Usmanov, Yevgeni Kasperski, Vaqit Ələkbərov, Aleksandr Mamut, Andrey Melniçenko, Leonid Mixelson, Aleksey Mordaşov, Arkadi və Boris Rotenberqi, Kirill Şamalov, Gennadi Timçenko, Oleq Tinkov, Viktor Vekselberq və Vladimir Yevtuşenkov və digərləri sadalanır.

Bir müddət əvvəl, elə həmin gün ABŞ administrasiyası Konqres üçün Rusiyaya qarşı sanksiyaların tətbiq edilməsi məsələlərinə həsr olunmuş məxfi brifinq keçirib. "Bu gün biz Konqresə onun qanunvericilik fəaliyyətinin Rusiyaya müdafiə sənayesi satışını ləngitdiyi haqqında məlumat verdik", deyən Dövlət Departamentinin nümayəndəsi Hizer Nauert qeyd edib ki, bir çox xarici hökumətlər Rusiyadan milyardlarla dollar dəyərində planlaşdırılan və ya elan edilən silah alışından imtina ediblər. -02D-