İlham Əliyev: dövlət məmurları yaxınlarını məsuliyyətdən qaçıra bilməyəcək

İlkin versiyaya görə, Bakının Azadlıq prospektində 16 mərtəbəli yaşayış binasında yanğının səbəbi evin odadavamlı olmayan keyfiyyətsiz üzlüyü olub. Bu barədə prezident İlham Əliyev bu gün 15 nəfərin həyatına son qoymuş yanğının səbəblərinin araşdırılması üzrə dövlət komissiyasının iclasında bildirib.

Dövlət başçısı FHN və meriyaya bənzər materiallarla üzlənmiş binaların ekspertizasını həyata keçirmək və pis keyfiyyət aşkar olunarsa, üzlükləri dərhal sökmək tapşırığı verib.

Əliyev həlak olanların və yaralananların ailələrinə maddi yardım göstərmək, binanı tez bir şəkildə təmir etmək, mənzilləri ev əşyaları ilə təmin etmək, yanğın zamanı məhv olmuş sənədləri bərpa etmək tapşırığı verib.

Əliyev son vaxtlar böyük biznes nümayəndələrinin saxlanılmalarına da toxunub.

Onun sözlərinə görə, biznesmenlər dövlət əmlakını mənimsəmək ittihamı ilə həbs edilib.

Bu zaman o qeyd edib ki, bu cinayətləri yüksək vəzifəli şəxslərin ailə üzvləri törədir, daha sonra isə məsuliyyətdən yayınmağa çalışırlar. Belə ki, bəzi dövlət məmurları öz qohumlarını məsuliyyətdən qaçırmağa çalışırlar, deyə o bildirib.

Lakin dövlət başçısı inandırıb ki, heç kim, heç bir yüksək vəzifəli məmur məsuliyyətdən qaça bilməyəcək. “Məsuliyyətli olmaq lazımdır. Cinayət törətmisənsə, get cəzasını çək”, deyə Əliyev bildirib. -06D-