İlham Əliyev Ramazanla bağlı iftarda iştirak edib

İyulun 24-də axşam Allahşükür Paşazadə öz iqamətgahında Ramazanla bağlı iftar təşkil edib. Mərasimdə dövlət başçısı İlham Əliyev iştirak edib.

Paşazadə İlham Əliyevə iştirakına görə təşəkkür edərək, bunu “islama və milli-mənəvi dəyərlərə böyük hörmətin” dəlili adlandırıb.

O qeyd edib ki, sabitlik, inkişaf, birlik, vicdan azadlığı və tolerantlıq Azərbaycanda Heydər Əliyev sayəsində mümkün olub və İlham Əliyev bu siyasəti uğurla davam etdirir.

Daha sonra şeyx beynəlxalq ictimaiyyət adından danışıb, beynəlxalq ictimaiyyətin “respublikada gedən sürətli sosial-iqtisadi inkişafı və nümunəvi tolerantlığı etiraf etdiyini” deyib.

Daha sonra o, Mehriban Əliyevanın milli-mənəvi dəyərlərin möhkəmləndirilməsində xüsusi xidmətlərini qeyd edib.

Sonda şeyx Azərbaycan xalqını xatırlayıb və İlham Əliyevlə birlikdə, xalqa da Ramazanla əlaqədar ən xoş arzularını bildirib.

İlham Əliyev öz çıxışında bildirib ki, iftar mərasimi cəmiyyətin birliyinin, “ölkədə dövlət və din arasında ümumi ideyalar naminə sıx həmrəyliyin” əyani sübutudur.

Azərbaycan ümumbəşər dəyərlərinə hörmətlə yanaşır, beynəlxalq ictimaiyyətə inteqrasiya edir və islam həmrəyliyinə töhfə verir.

Daha sonra Əliyev “bir sıra ölkələrdə mədəniyyətlərarası və dinlərarası dialoqa ziyan vuran bəzi təzahürlərlə bağlı beynəlxalq səviyyədə qətiyyətli mövqe” nümayiş etdirməyin zəruriliyini vurğulayaraq, məhz nəyi nəzərdə tutduğunu dəqiqləşdirməyib. -02D-