![İlham Əliyev Rusiyanın sənaye və ticarət nazirini qəbul edib](https://turan.az/resized/750/500/resize/media/2019/main/040400017930.jpg)
İlham Əliyev Rusiyanın sənaye və ticarət nazirini qəbul edib
Bakı/04.04.19/Turan: Cümə axşamı İlham Əliyev Rusiyanın sənaye və ticarət naziri Deniz Manturovu qəbul edib.
Görüşdə Əliyev ikitərəfli münasibətlərin möhkəmləndiyini, müxtəlif istiqamətlərdə əməkdaşlığın inkişaf etdiyini, ticarət dövriyyəsinin artdığını qeyd edib.
O, maşınqayırma sahəsində birgə layihələrdən məmnunluğunu ifadə edib, Rusiya banklarının Azərbaycanda böyük sənaye müəssisələrini maliyyələşdirməsinin əhəmiyyətini vurğulayıb.
Öz növbəsində, Manturov deyib ki, ortaq layihələr iqtisadi əməkdaşlığın genişləndirilməsi üçün möhkəm əsas yaradır. O, iqtisadi əməkdaşlığın inkişafında kibertəhlükəsizliyin əhəmiyyətini xüsusi vurğulayıb.
Azərbaycan-Rusiya sənaye əməkdaşlığı forumunun əhəmiyyətinə toxunan nazir deyibki, bu forumda Rusiyanın 60-dan çox şirkəti iştirak edir.
Görüşdə neft maşınqayırması, kənd təsərrüfatı texnikasının və yük vaqonlarının birgə istehsalı, helikopterlərə xidmət üzrə serviz mərkəzinin yaradılması, dərman istehsalı və digər sahələrdə əməkdaşlığın perspektivləri müzakirə olunub, bu barədə dövlət başçısının mətbuat xidmətinin məlumatında deyilir. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz