![İlham Əliyev Türkiyə parlamentarilərini qəbul edib](https://turan.az/resized/news/2024/sSEZ1AErRm8skaiIneqVGcNistyR2tz5YtM5vk80-750-500-resize.webp)
İlham Əliyev Türkiyə parlamentarilərini qəbul edib
İlham Əliyev Türkiyə parlamentarilərini qəbul edib
Avqustun 30-da Azərbaycan prezidenti İlham Əliyev Azərbaycan-Türkiyə parlamentlərarası dostluq qrupunun rəhbəri Şamil Ayrımın başçılıq etdiyi Türkiyə Böyük Millət Məclisinin üzvlərindən ibarət nümayəndə heyətini qəbul edib.
Dövlət başçısının saytında yer alan məlumata görə, söhbət zamanı Əliyev regional vəziyyətə toxunaraq bildirib ki, Azərbaycan bölgədə davamlı sülhün təmin olunmasının tərəfdarıdır. Lakin, onun fikrinci, bunun üçün Ermənistan Konstitusiyasında Azərbaycana qarşı olan ərazi iddiaları aradan qaldırılmalıdır.
O, həmçinin ATƏT-in Minsk Qrupuna artıq ehtiyac olmadığını qeyd edib.
Əliyevin fikrincə, ATƏT-in Minsk Qrupu və onunla əlaqədar olan təsisatlar keçmişin qalığıdır və tamamilə ləğv edilməlidir.
Bu mənada prezident Minsk qrupunun ləğv edilməməsi ilə bağlı Ermənistanın mövqeyinin heç bir halda başadüşülən olmadığını deyib. "Əgər münaqişə keçmişdə qalıbsa və Ermənistanın baş naziri Azərbaycanın ərazi bütövlüyünü dəstəklədiyini ifadə edirsə, onda keçmişin qalığı olan Minsk qrupunun saxlanmasına nə ehtiyac var?! Görünür, Ermənistan sülh müqaviləsində və regionda davamlı sülhün əldə edilməsində maraqlı deyil", deyə Əliyev qeyd edib.
O hesab edir ki, Ermənistan qəsdən vaxt uzadır, Fransadan, digər Qərb ölkələrindən və başqa tərəflərdən yeni silahlar alır, öz ərazisində üçüncü tərəflərlə hərbi təlimlər keçirir.
Əliyev bir sıra Qərb təsisatlarında anti-Azərbaycan qüvvələrin ölkəmizə qarşı haqsız və ədalətsiz münasibətinə toxunub. O qeyd edib ki, Avropa Şurası Parlament Assambleyasında Azərbaycanın əleyhinə olan mövqe bilavasitə Azərbaycanın öz ərazi bütövlüyünü və suverenliyini təmin etməsi ilə əlaqədardır.
-
- Siyasət
- 30 Avqust 2024 14:01
Siyasət
-
Rusiyanın Azərbaycandakı səfiri Mixail Evdokimov cümə günü RIA Novosti ilə müsahibəsində Rusiya-Azərbaycan əlaqələrinin davamlı gücünü vurğuladı. Evdokimov, iki ölkə prezidentləri arasında uzunmüddətli dostluq və hörmətlə xarakterizə edilən ikitərəfli əlaqələrin qlobal geosiyasi mənzərənin çətinliklərinə baxmayaraq inkişaf etməyə davam etdiyini qeyd etdi.
-
Beynəlxalq seçki müşahidəçiləri 2 sentyabr tarixində Azərbaycanda keçirilmiş erkən parlament seçkilərindən sonra əldə etdikləri nəticələri təqdim etmək üçün mətbuat konfransı keçirəcəklər. Tədbir saat 15:00-da (yerli vaxtla GMT +4) Bakıda, Landmark otelində baş tutacaq.
-
Beynəlxalq Qızıl Xaç Komitəsi (BQXK) Azərbaycanda 4000-ə yaxın itkin düşmüş şəxsin taleyinə aydınlıq gətirilməsi üçün Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası (Dövlət Komissiyası) ilə sıx əməkdaşlıq edir.
-
Avqustun 30-da Azərbaycan və Ermənistan arasında dövlət sərhədinin delimitasiyası üzrə komissiyaların birgə fəaliyyəti haqqında Əsasnamə imzalanıb.
Rəy yaz