İlham Əliyevin Paris səfərinin proqramı

Çərşənbə axşamı gündüz saatlarında Parisdə Fransa və Azərbaycan prezidentləri – Fransua Ollanda və İlham Əliyev arasında danışıqlar keçiriləcək. Fransa səfirliyinin mətbuat xidmətindən Turan-a verilən məlumata görə, elə həmin gün Azərbaycan prezidenti Luvrda “İslam mədəniyyətləri pavilyonunun” açılış mərasimində iştirak edəcək.

Çərşənbə günü səhər saatlarında Azərbaycan prezidenti Fransanın sənaye dairələrinin nümayəndələri ilə görüş keçirəcək.

Qeyd edək ki, Azərbaycan prezidenti bazar ertəsi səhər Parisə yola düşüb. -06C-

Dövlət başçısı Fransaya işgzar səfərə yola düşüb

Sentyabrın 17-də Azərbaycan prezidenti İlham Əliyev Fransaya işgüzar səfərə yola düşüb. Səfər zamanı Əliyevin Fransa prezidenti Fransua Ollandla, bu ölkənin işgüzar dairələrinin nümayəndələri ilə görüşləri nəzərdə tutulub.

Bu, Ollandın Fransa prezidenti seçilməsindən sonra iki ölkə liderinin ilk görüşü olacaq.

Xatırladaq ki, bir neçə gün əvvəl erməni diasporu Ramil Səfərovun əfv olunması ilə əlaqədar İlham Əliyevin səfərinə qarşı kütləvi etiraz aksiyaları keçirəcəyi ilə hədələyib. -16D-