İlhamiz Quliyev polisi yalan ifadələr verməkdə ittiham edib
Avqustun 22-də Ağır Cinayətlər Məhkəməsində narkotik ittihamı ilə həbs olunan fəal İlhamiz Quliyevin işi üzrə proses davam edib.
Prosesdə şahid, Yasamal Rayon 27-ci Polis Bölməsinin keçmiş rəis müavini Anar Rüstəmov dinlənilib. Onun sözlərinə görə, o, Quliyevi şəxsən görməyib, lakin ona bu şəxsin saxlanıldığı və üzərində narkotik tapıldığı haqqında məlumat daxil olub.
Lakin Quliyev bildirib ki, Rüstəmov şəxsən ona psixoloji təzyiq göstərib. Rüstəmov ondan narkotikin ona məxsus olduğunu etiraf etməyi tələb edib, əks halda amansız zorakılığa məruz qoyulacağı ilə təhdid edib.
Lakin polis bunları inkar edib.
Quliyevin işi üzrə növbəti iclas sentyabrın 12-nə təyin edilib, sonuncu şahidin dinlənilməsi gözlənilir.
* Xatırladaq ki, Quliyev 4 dekabr 2023-cü il tarixində saxlanılıb, ayın 6-da isə külli miqdarda narkotik vasitənin qanunsuz dövriyyəsində ittiham olunaraq 4 ay müddətinə həbs olunub.
Lakin Quliyevin həbsinin əsl səbəbi onun Abzas Media nəşrinə verdiyi müsahibədir. O, bu müsahibədə polisin qanunsuz hərəkətlərindən və cinayət işlərinin saxtalaşdırılmasından danışıb. Hüquq müdafiəçiləri Quliyevi siyasi məhbus kimi tanıyıblar.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz