İqtidar Şəmkirdə AXCP adından məntəqələrə müşahidəçilər göndərib.

32 saylı Suraxanı üçüncü seçki dairəsinin 18-26 saylı məntəqələrində barmaq işarələmək üçün mürəkkəb yoxdur.

74 saylı Lənkəran kənd seçki dairəsinin 39 saylı məntəqəsində müşahidəçi Hikmət Məhmədov polis əməkdaşı Cavid Həsənov tərəfindən seçki məntəqəsindən çıxarılıb. Bu məntəqədə seçki bülletenləri kütləvi şəkildə seçki qutularına atlırı.

45 saylı Abşeron seçki dairəsinin 10 saylı məntəqəsində -  “85 BX 671”, “10 ZR 658”, “10 XO 813”, “01 BK 315”, “50 AE 126”, “ 10 TE 925”,  “39 BB 596” nömrə-nişanlı minik avtomobilləri vasitəsilə “karusel” əməliyyatı həyata keçirilir. 

61 sayli Neftçala secki dairəsinin 2 sayli seçki məntəqəsində komissiya sədri və üzvləri seçki qutusuna topa şəkildə seçki bülleteni atır.

34 saylı Xətai seçki dairəsinin 7 saylı məntqəsində  bir nəfər yeddi bülletendən istifadə edərəkən tutulub, bu hadisədən sonra polis müşahidəçilər Çəlal Qarayev  və Südabə  Səlimovanı seçki məntəqəsindən çıxarıb. 

50 saylı Qobustan-Xızı dairəsində “Baku Stell Kompany” şirkətinin 50 nəfər işçisi məntəqələr üzrə “karusel” əməliyyatı həyata keçirir. Bu dairənin Sahibkarlığa Yardım Fondunun binasında yerləşən 9 saylı məntəqəsində də “karusel” əməliyyatı başlanıb, bu əməliyyata mənzil istismar idarəsinin işçiləri rəhbərlik edirlər.

16 saylı Yasamal II seçki dairəsnin 5- 6, 9-10 saylı məntəqələrində karusel əməliyyatı həyata keçrilir, prezidentliyə namizəd Cəmil Həsənlinin maraqlarını müdafiə edən məşvərətçi səs hüquqlu komissiya üzvləriinə seçki məntəqəsində müşahidə aparmasına imkan verilmir.

98 saylı Şəmkir şəhər, 99 saylı Şəmkir kənd və 100 saylı Şəmkir-Daşkəsən seçki dairələrində məntəqə seçki komissiyalarına AXCP adından müşahidəçilər verilib və bu onların vəsiqələrində  göstərilib, bu şəxslərin AXCP-yə aidiyyəti yoxdur.-05D-