İran Azərbaycanla elektrik enerjisi mübadiləsini müsbət qarşılayır
Azərbaycan-İran hökumətlərarası müştərək iqtisadi komissiyanın həmsədri, iqtisadiyyat və sənaye naziri Şahin Mustafayev sentyabrın 16-da Tehranda İranın enerji naziri Bijən Namdar Çitçiyan ilə görüşüb.
Görüşdə iki ölkə arasında energetika sahəsində əməkdaşlığın inkişaf perspektivləri müzakirə edilib.
Qeyd olunub ki, İran Azərbaycanla elektrik enerjisi mübadiləsini müsbət qarşılayır. Qarşıdakı 6 ay ərzində Parsabad-İmişli elektrik ötürücüsü xəttinin inşası başa çatacaq və bu xəttin istifadəyə verilməsi iki ölkə arasında elektrik enerjisi mübadiləsini 600 meqavatadək yüksəldəcək. Hər iki tərəf bu xəttin inşasına böyük həcmdə sərmayə qoyub. Dövlətlərin elektrik enerjisi sistemlərinin birləşməsi şəbəkələrin davamlılığını artıracaq.
Tərəflər birgə istifadə üçün sərhəd zonasında 1000 meqavat gücündə elektrik stansiyasının tikilməsi məsələsini də nəzərdən keçiriblər. Qərara alınıb ki, məsələ ekspertlər səviyyəsində öyrənilsin və konkret təkliflər hazırlansın.
Görüşdə alternativ enerji mənbələrindən istifadə və bu sahədə əməkdaşlıq məsələsinə də toxunulub. Azərbaycan İranın alternativ enerji sahəsinə sərmayə qoymağa hazırdır.
Keçirilən görüşdən sonra Azərbaycan nümayəndə heyətini İİR-nın prezidenti H.Ruhanı də qəbul edib. -03D-
-
- İqtisadiyyat
- 17 Sentyabr 2014 12:38
-
- Cəmiyyət
- 17 Sentyabr 2014 13:10
Siyasət
-
Bazar ertəsi Bakı Ağır Cinayətlər Məhkəməsi "Müsəlman Birliyi" Hərəkatının üzvü Həsən Abbaszadəni üç il müddətinə azadlıqdan məhrum edib.
-
Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.
-
Oktyabrın 28-də Bakıda “Enerji təhlükəsizliyi və iqlim dəyişikliyi üzrə Azərbaycan-NATO əməkdaşlığı” mövzusunda “dəyirmi masa“ keçirilib.
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
Rəy yaz