Vaşinqton/24.04.23/Turan: Ağ Ev bazar ertəsi İran və Azərbaycan arasında son aylarda durmadan artmaqda olan gərginliyi və bölücü insidentlərin tez-tez baş verməsini şərh edib.
Milli Təhlükəsizlik Şurasının strateji kommunikasiyalar üzrə koordinatoru Con Kirbi TURANın müxbirinə sualına cavab olaraq deyib: "İranın regionda sabitliyi pozmağa davam etməsi təəccüblü deyil".
Kirbi Dövlət Departamentinin Vaşinqton Xarici Mətbuat Mərkəzində jurnalistlərə danışıb.
TURANın İran və Azərbaycan arasında hərbi qarşıdurma ilə bağlı artan narahatlığa dair Vaşinqtonun mövqeyi ilə bağlı sualına Kirbi deyib: “Biz orada zorakılıq və ya münaqişənin davam etməsini, şübhəsiz ki, görmək istəmirik”.
Kirbi Azərbaycanın bu yaxınlarda İsraildə səfirliyini açmasına da münasibət bildirib: “Geniş mənada, biz İsrailin regiona inteqrasiyası üçün bütün səyləri dəstəkləməyə davam edirik”.-0-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz