İranda prezident seçkilərində Həsən Rohani liderlik edir

İranda keçirilən prezident seçkilərində səsvermənin ilkin nəticələri açıqlanıb. Associated Press məlumat yayıb. 

 
Dindarların nümayəndəsi Həsən Rohani liderlik edir. 
 
İlkin məlumata görə, o 1759079 səsə -  47,46% (834859) toplayıb. Lakin birinci turda qələbə üçün ən azı 50% səs toplamaq lazımdır. 
 
İkinci yerdə mühafizəkarların nümayəndəsi, Tehran meri Məhəmmədbakir Qolibafdır. O 18,22% (320562) səs toplayıb. 
 
Üçlüyü 2007-ci ildən Təhlükəsizlik Şurasının fəaliyyətdə olan katibi Səid Cəlili -14,66% (257822)  səs – qapayır.
 
İslam İnqilabı Keşikçiləri Korpusunun keçmiş komandanı Mohsen Rezayi 12,19% (214368) səs yığıb. Ali liderin xarici siyasi məsələlər üzrə müşaviri Əliəkbər Velayəti 6,03% (106144) səs qazanıb.
 
Müstəqil namizəd, keçmiş neft naziri Seyed Məhəmməd Karazi 1,44% (25324) səs toplayıb. RİA bildirir.
 
İran KİV-nin məlumatına görə, seçicilərin iştirakı 60%-dən çox təşkil edib. 2009-cu il seçkilərində bu göstərici 85% olub.
 
Həsən Rohani İranın islahatçı dairələrini təmsil edir. Bununla yanaşı o,  İranın nüvə proqramı üzrə danışıqların iştirakçısı kimi tanınır.
 
Seçki ərəfəsində politoloqlar belə ehtimal edirdilər ki, Qərblə münasibətlərin normallaşmasına və İranın izolyasiyadan çıxmasına tərəfdar olan Rohaninin qalib gəlmək şansı yoxdur. Əgər birinci turda namizədlərdən kimsə 50%-dən çox səs toplamasa, iyunun 21-də ikinci tur keçiriləcək. Müşahidəçilər belə ssenarini daha mümkün hesab edirlər.—0—

 

Rəy yaz

Siyasət

Bizi sosial şəbəkələrdə izləyin

Xəbər lenti