• contact.az Contact
  • Bakı
  • Sunny13.40 C
  • Bazar, 24 Noyabr 2024
    • flag_EN
    • flag_RU

Son yenilənmə

(4 saat əvvəl)
Rüstəm İbrahimbəyov Vaşinqtonda mühüm görüşlər keçirib
A- A A+
EN RU
Turan İnformasiya Agentliyi
Turan İnformasiya Agentliyi

Rüstəm İbrahimbəyov Vaşinqtonda mühüm görüşlər keçirib

Milli Şuranın rəhbəri Rüstəm İbrahimbəyov Vaşinqtondan bu ictimai qurumun nümayəndələrinə öz görüşləri barədə məlumat göndərib.

 
  İyunun 10-15-də Dövlət Departamenti, Konqresin Senat və Nümayəndələr Palatası, həmçinin ABŞ-ın stareji siyasətini hazırlayan, eləcə də insan haqları və demokratiyanın inkişafı sahəsində fəaliyyət göstərən təşkilatlarda görüşlər keçirilib.
 
  Danışaqlar zamanı 2013-cü il prezident seçkiləri, Azərbaycan xalqının hakimiyyəti formalaşdırmaq kimi konstitusiya hüququnun özünə qaytarılması yolları və ölkəmizdə demokratik proseslərin genişləndirilməsində ABŞ dövlətinin rolu məsələləri ətraflı müzakirə edilib.
“Bu mühüm mövzuda  Dövlət Departamentinin sədrinin müavini Uzra Zeya, onun yardımçısı Tomas Meliya, Kətrin Key (Nazir Kerrinin xarici siyasətini formalaşdıran idarənin məsul işçisi), üç aparıcı departamentin direktorları və məsul işçiləri ilə iki dəfə geniş diskusiya aparmışam. Müzakirələrimiz yüksək səmimiyyət və qarşılıqlı anlaşma şəraitində keçib.
 
Konqresdə ən böyük komisiya sayılan Helsinki Komisiyasının sədri tanınmış Senator Bencamin Garden, həmçinin Senator Roqer Viker, Xarici Əlaqələr Komisiyasından sədri Robert Menendesin ofisnidə   Ceyssen Bruder və başqaları ilə görüşlər  keçirilib”, - o yazır.
  Həmçinin Kornegi Fondunda, ABŞ Demokratiyaya Milli Dəstək Fondunda müzakirələr aparılıb. 
 
  “ABŞ-ın məsul şəxsləri demokratik seçkilərə nail olmaq üçün onlardan asılı olan bütün tədbirləri görəcəklərinə məni əmin etdilər. Bununla yanaşı hər şeyin Azərbaycan xalqından asılı olduğunu da vurguladılar”, - R.İbrahimbəyov qeyd edib.
 
“ABŞ məsulları Milli Şuranın vahid namizəd və vahid platforma ilə seçkilərə getməsinin vacibliyini də qeyd etdilər. İyulun əvvəlində senator Vikerin başçılığı altında senat nümayəndələrinin Bakıya səfəri gözlənilir. Mən ondan xahiş etdim ki, prezident və digər rəsmilərlə yanaşı, hökmən Milli Şuranın nümayəndələri ilə də görüşsün”, - məlumatda deyilir.
 
  Sonda R.İbrahimbəyov yazır ki, ABŞ-dan sonra Avropa İttifaqı və Avropa Şurasında görüşlər keçirmək üçün Avropaya, sonra Rusiya və Türkiyəyə gedəcək. -02D-

Rəy yaz

Siyasət

Minimum əməkhaqqı, pensiya, ehtiyac meyarı. Rəqəmlər real bazar qiymətinə uyğundur? – Zöhrab İsmayıl Çətin sualda


Bizi sosial şəbəkələrdə izləyin

Xəbər lenti