İran və Gürcüstan XİN-ləri Ermənistanla Azərbaycanı atəşkəs rejimi üzrə sazişə əməl olunması üçün danışıqlar aparmağa çağırıblar.
Ermənistan və Azərbaycan arasında münaqişənin hərbi yolla həlli yoxdur, İRNA agentliyi İran XİN-in mətbuat katibi Mərziyə Əfhamdan sitat gətirib.
M.Əfham son toqquşmalar zamanı hərbçilərin həlak olmasından narahatlığını bildirib və tərəfləri təmkinli olmağa çağırıb.
Öz növbəsində Gürcüstan XİN rəhbəri jurnalistlərlə söhbətində deyib ki, Tbilisi Azərbaycanla Ermənistan arasında baş verənləri böyük narahatlıqla izləyir.
“Mən tamamilə əminəm ki, nə bizim regiona, nə də bütün dünyaya növbəti dondurulmuş münaqişə, gərginlik ocağı lazım deyil. Odur ki, əminəm ki, iki ölkə lideri ümumi dil tapacaq və münaqişəni dinc nizamlanma yoluna keçirəcəklər”, - Gürcüstan XİN rəhbəri bildirib.
“Bildiyim qədər artıq Azərbaycan və Ermənistan prezidentləri arasında görüş planlaşdırılıb. Bu, münaqişənin həll olunacağına ümid yaradır”, - o vurğulayıb.
Təsdiqlənməmiş məlumalara görə, Ermənistan və Azərbaycan prezidentləri avqustun 8-9-da Soçidə görüşməyi planlaşdırırlar. -02D-
Siyasət
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
Rəy yaz