![İREX bundan sonra vətəndaş cəmiyyətinin inkişafına xidmət edəcəyini bildirir](https://turan.az/resized/media/2013/main/110100056058-750-500-resize.webp)
İREX bundan sonra vətəndaş cəmiyyətinin inkişafına xidmət edəcəyini bildirir
Cümə günü “Sinema Lux”da İREX təşkilatının yaradılmasının 45, Azərbaycanda fəaliyyətinin 15 illiyi ilə bağlı tədbir keçirilib.
İREX-in Bakı ofisinin rəhbəri Angela Nikorau həmçinin 1 noyabr gününün beynəlxalq Qızlar günü olduğunu xatırladıb.
Ofis rəhbəri qurumun 167 ölkədə fəaliyyət göstərdiyini bildirib. Qurumun icra etdiyi layihələrdən 500 mindən çox insanın bəhərləndiyi qeyd olunub. Təşkilatın təhsil, media və vətəndaş cəmiyyətinin inkişafı ilə bağlı layihələr icra etdiyi vurğulanıb.
Təhsil sahəsində magistr pilləsi üzrə dünyada 5 mindən çox tələbənin İREX xəttilə təhsil aldığı və bunlardan 104-nün, bakalavr pilləsi üzrə isə 197-nin Azərbaycandan olduqları nəzərə çatdırılıb.
Media sahəsində layihələrə gəlincə, 8 ali məktəbdə “wi-fi” quraşdırılıb, 30 ucqar kənddə “internet köşkləri istifadəyə verilib.
İREX 10 regionda 110 qıza kameramanlıq kursu keçib, regional televiziyaların maddi-texniki bazasının təchizatını yaxşılaşdırıb.
A.Nikorau Azərbaycanda vətəndaş cəmiyyətinin inkişafına bundan sonra da xidmət göstərəcəklərini nəzərə çatdırıb.
Tədbirin sonunda dünyanın müxtəlif ölkələrində yaşayan 9 qızın karyera və ictimai fəaliyyətlərinə dair film nümayiş etdirilib. -05C-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz