İsmayıllı hadisələri üzrə apellyasiya şikayətinə baxılması avqustun 12-nə keçirilib
İsmayıllı hadisələri üzrə mühakimə olunanların apellyasiya şikayətinə baxılması avqustun 12-dək təxirə salınıb. Bu barədə Turan-a Müsavat Partiyası sədrinin müavini Tofiq Yaqublunun vəkili Nemət Kərimli bildirib.
Xatırladaq ki, 2013-cü il martın 17-də Şəki Ağır Cinayətlər Məhkəməsində 23-24 yanvar 2013-cü il İsmayıllı iğtişaşları ilə əlaqədar ittiham olunan 18 nəfərə hökm oxunub.
REAL hərəkatının lideri İlqar Məmmədov 7 il, Tofiq Yaqublu 5 il müddətinə azadlıqdan məhrum edilib.
Digər 8 nəfər 8 ilədək azadlıqdan məhrum edilib. Bu sayda müttəhim isə şərti olaraq azadlıqdan məhrum edilib.
Mayın 20-də Şəki Apellyasiya Məhkəməsində iş üzrə ilkin iclas keçirilib və mahiyyəti üzrə dinləmələr iyunun 5-nə təyin edilib. Lakin sonradan hakim dinləmələri qeyri-müəyyən vaxtadək təxirə salıb.
Bu gün məlum olub ki, şikayətə avqustun 12-də baxılacaq. Bu barədə vəkil N.Kərimliyə hakim İnsallah Quliyevin köməkçisi bildirib. O, bunu “vəkillərin məşğul olması” və hakimlərdən birinin məzuniyyətə çıxması ilə əsaslandırıb.
N.Kərimlinin fikrincə, proses qəsdən təxirə salınır. “Beynəlxalq təşkilatlar 14 “vicdan məhbusu”nun, o cümlədən Tofiq Yaqublunun, İlqar Məmmədovun, 8 nəfər NİDA fəalının azadlığa buraxılmasına təkid edir. Hakimiyyət apellyasiya çəkişmələrinin uzadılmasını istəyir və hökmlərin qanuni qüvvəyə minməməsi bəhanəsi altında əfv üçün hüququ imkanların olmadığını söyləmək istəyir”, - vəkil vurğulayıb.
*Xatırladaq ki, mayın 22-də AİHM İ.Məmmədovun qanunsuz həbsindən şikayəti ilə əlaqədar hüquqlarının pozulduğunu tanıyıb.T.Yaqublunun da şikayəti AİHM-in kommunikasiyasına götürülüb.
Aİ, Fransa və Böyük Britaniya XİN, ABŞ səfirliyi İ.Məmmədovun və T.Yaqublunun barəsində hökmləri pisləyiblər. Amnesty international onları “vicdan məhbusu” kimi tanıyıb. –06B-
-
- Cəmiyyət
- 20 İyun 2014 18:40
Siyasət
-
"Qeyri-hökumət təşkilatının illik maliyyə hesabatının forması, məzmunu və təqdim edilməsi Qaydası"na dəyişiklik edilib.
-
"Enerji sahəsində Bakıda müəyyənləşdirdiyimiz strateji tərəfdaşlıq bizim Avropaya qaz təchizatımızın 2027-ci ilin sonuna qədər ikiqat artırılmasını nəzərdə tutur". Bu barədə Azərbaycan prezidenti İlham Əliyev iyulun 18-də Oksfordda "Avropa Siyasi Birliyi"nin 4-cü Zirvə toplantısı çərçivəsində "Enerji və bağlantı" mövzusunda dəyirmi masada çıxışında bildirib.
-
Azərbaycan prezidenti İlham Əliyev və AFR kansleri Olaf Şolts iyulun 18-də Oksfordda Avropa Siyasi Birliyinin zirvə toplantısı çərçivəsində keçirdikləri görüşdə Bakı və Yerevan arasında normallaşma prosesini müzakirə ediblər.
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
Rəy yaz