![İsmayıllı rayonunda vəzifəli şəxslər rüşvət ittihamı ilə həbs edilib](https://turan.az/resized/news/2024/535ixqTjOzVFO4IXKYcBSJVv5APtsQRRHIqriQMF-750-500-resize.webp)
İsmayıllı rayonunda vəzifəli şəxslər rüşvət ittihamı ilə həbs edilib
İsmayıllı rayonunda vəzifəli şəxslər rüşvət ittihamı ilə həbs edilib
İsmayıllı Rayon İcra Hakimiyyəti Başçısının İsmayıllı şəhər inzibati ərazi dairəsi üzrə nümayəndəsi Əlişir Süleymanov və rayonunun Diyallı bələdiyyəsinin sədri vəzifəsini icra edən sədr müavini Cahangir Surxayev həbs edilib.
Baş Prokurorluğun Mətbuat xidmətinin məlumatına görə, Əlişir Süleymanovun xidməti vəzifələrinin icrası ilə bağlı İsmayıllı şəhəri ərazisində yerləşən qeyri-yaşayış sahələrində müvafiq tikinti işlərinin aparılmasına maneə yaradılmaması və işlərin davam etdirilməsinə şərait yaradılmaqla himayədarlıq göstərilməsi müqabilində ayrı-ayrı şəxslərdən müxtəlif məbləğlərdə pul vəsaitini rüşvət qismində istəməsinə və almasına əsaslı şübhələr müəyyən edilmişdir.
Bundan başqa, Cahangir Surxayevin vəzifə səlahiyyətlərini aşaraq ona müraciət etmiş şəxsə kənd təsərrüfatı təyinatlı torpaq sahəsinin saxta sənədlərin tərtib edilməsi yolu ilə icarəyə verilməsi müqabilində həmin şəxsdən hissə-hissə olmaqla külli miqdarda pul vəsaitini rüşvət qismində almasına əsaslı şübhələr müəyyən edilib.
İlkin sübutlar əsasında Əlişir Süleymanova Cinayət Məcəlləsinin 311.3.2 və 311.3.3 (təkrar və külli miqdarda rüşvət alma) maddələri, Cahangir Surxayevə isə həmin Məcəlləsinin 309.1 (vəzifə səlahiyyətlərini aşma), 311.3.3 (külli miqdarda rüşvət alma) və 313-cü (vəzifə saxtakarlığı) maddələri ilə ittiham elan edilib, hər ikisi barəsində Binəqədi Rayon Məhkəməsinin qərarı ilə həbs qətimkan tədbiri seçilib.
Siyasət
-
Sentyabrın 5-də Bakının Səbail Rayon Məhkəməsi tədqiqatçı Bəhruz Səmədovun mənzilində axtarış aparılması ilə bağlı şikayətini təmin etməyib.
-
Azərbaycanlı jurnalist Əfqan Muxtarlı Avropa İnsan Hüquqları Məhkəməsində (AİHM) Gürcüstana və Azərbaycana qarşı iddianı udub.
-
Sentyabrın 5-i saat 09:55 radələrində Ermənistan silahlı qüvvələrinin bölmələri Basarkeçər rayonunun Yuxarı Zağalı yaşayış məntəqəsi istiqamətindəki mövqelərindən Azərbaycan Ordusunun Kəlbəcər rayonunun Zivel yaşayış məntəqəsi istiqamətində yerləşən mövqelərini atıcı silahlardan atəşə tutub.
-
Sentyabrın 4-də İsveçin Azərbaycandakı səfiri Tobias Lorenson həbsdə olan ictimai fəal, I qrup əlil Famil Xəlilovun ailə üzvlərini qəbul edib. Görüşdə hüquq müdafiəçisi Rüfət Səfərov da iştirak edib.
Rəy yaz