İsrail parlamenti �erməni soyqırımının tanınması haqqında� qanun layihəsini qəbul etməyib
Bakı/15.02.18/Turan: İsrail parlamenti fevralın 14-də Osmanlı İmperiyası dövründə erməni xalqına qarşı soyqırımın tanınması haqqında qanun layihəsini qəbul etməyib. Bu barədə The Jerusalem Post qəzeti məlumat yayıb.
Layihə "Yeş Atid" ("Gələcək var") partiyası tərəfindən təqdim edilib. "Xolokost yaşamış bir xalqı təmsil edən knessetin erməni soyqırımını tanımaması və onu anma günü təsis etməməsi üçün heç bir səbəb yoxdur", deyə partiyanın lideri Yair Lapid bildirib. Bununla belə, qanun layihəsini cəmi 28 deputat dəstəkləyib, 41 nəfər isə əleyhinə səs verib.
Ölkə hökumətini təmsil edən İsrail xarici işlər nazirinin müavini Tsipi Xotoveli qanunun qəbul edilməsinin əleyhinə çıxıb. O xatırladıb ki, 2015-ci ildə knesset erməni soyqırımının 100 illiyi ilə əlaqədar Yerevana rəsmi nümayəndə heyəti göndərib, amma bildirib ki, "bu məsələnin qəlizliyi və diplomatik nəticələri, habelə açıq-aşkar siyasi xarakterli olması ilə əlaqədar" İsrail onunla bağlı rəsmi mövqe tutmayacaq.
Erməni soyqırımının tanınması haqqında artıq beş dəfə müxtəlif qətnamələr knessetdə müzakirəyə çıxarılıb, amma qəbul edilməyib. -02D-
Siyasət
-
Kanal-13 İnternet-TV-nin həbsdə olan rəhbəri Əziz Orucovun səhhəti pisləşib, bu barədə Turan-a onun vəkili Bəhruz Bayramov bildirib.
-
Azərbaycanda parlament seçkiləri noyabrda keçirilməlidir, lakin daha erkən tarixə çəkilə bilər. Bu barədə cümə axşamı MSK sədri Məzahir Pənahov qurumun iclasında bildirib.
-
Prezident İlham Əliyev İkinci Dünya Müharibəsinin veteranlarına birdəfəlik maddi yardım ödənilməsi haqqında sərəncam imzalayıb.
-
Prezident İlham Əliyev Azərbaycanın pravoslav xristian icmasını Müqəddəs Pasxa bayramı münasibətilə təbrik edib.
Rəy yaz