İsrail səfirlikləri viza verilməsini dayandırıb

Bütün dünya üzrə İsrail səfirlikləri ölkənin Maliyyə Nazirliyi ilə münaqişə ilə əlaqədar viza verilməsini dayandırıb.

“Tətillə əlaqədar konsulluq şöbəsində vətəndaşları qəbulu dayandırılb. İstisna kimi vətəndaşların təcili hallarla bağlı müraciətlərinə baxılacaq”, deyə İsrail diplomatik missiyasının məlumatında bildirilir.

Tətil martın 5-də başlayıb. Bir həftədir artıq diplomatlar işə getsələr də, bütün əlaqələr, İsraildə və xaricdə səfərlərin hazırlanması və təşkili, o cümlədən ölkə rəhbərliyinin səfərləri dondurulub.

Aksiya İsrailin Maliyyə Nazirliyinin XİN-in diplomatların əmək haqqının artırılması haqqında tələblərini yerinə yetirməməsindən sonra başlayıb. Tərəflər arasında bir neçə ay danışıqlar aparılıb, amma hələ 2013-cü ilin yazında nəticəsiz başa çatıb. İyunda ilk tətil keçirilib və danışıqlar bərpa olunub.

Maliyyə Nazirliyi danışıqların ikinci mərhələsini də pozduqdan sonra diplomatlar tətili bərpa ediblər.

İsrail XİN əməkdaşlarının həmkarlar ittifaqının bəyanatında qeyd edilir ki, İsrail diplomatları “yaşayış qiymətləri artdıqda əmək haqqının avtomatik artırılmasında, diplomatların həyat yoldaşları və övladları ilə bağlı ayrı-seçkiliyə səbəb olan vergi siyasətinə son qoyulmasında israr edirlər.

İsrailin Bakıdakı səfirliyindən Turan-a aksiyanın müddətsiz xarakter daşıdığını, nə qədər davam edəcəyinin bəlli olmadığını təsdiq ediblər. -02D-