İstanbul prokuroru başqa posta keçirilib

İstanbulun baş prokuroru Turan Çolakkadı və prokurorluğun iyirmi yüksək vəzifəli əməkdaşı ölkəni bürüyən korrupsiya qalmaqalı fonunda 

başqa postlara keçirilib. Bu barədə Türkiyə KİV-i məlumat yayıb. 

T.Çolakkadı İstanbul vilayət məhkəməsinin baş prokuroru təyin edilib.

Bundan əlavə, ölkənin təhlükəsizlik orqanlarının 12 rəhbəri və onların müavinləri vəzifələrindən azad ediliblər.

Prokurorluqda kadr dəyişiklikləri hökumətin hazırladığı qanun layihəsi fonunda həyata keçirilib. Belə ki, bu, hakim və prokurorları Ədliyyə Nazirliyindən asılı edəcək, həmçinin Hakim və Prokurorların Ali Şurasının bir çox funksiyasını nazirin şəxsi nəzarətinə verəcək.

Ölkənin hüquq cəmiyyəti, həmçinin müxalifət partiyaları Konstitusiyaya daxil edilməsi planlaşdırılan qanun layihəsinin əleyhinə çıxıblar.

Bundan əvvəl Ərdoğan hökuməti 100-ə yaxın polis 

zabitini, prokuror və hakimi işdən azad edib və ya başqa posta keçirib. Bu, baş nazirin polisin apardığı korrupsiya əməliyyatına reaksiyası olub. Belə ki, əməliyyat zamanı Ərdoğana yaxın onlarla şəxs, həmçinin onun üç nazirinin övladları həbs olunub.. -02D-