İstanbulda Dünya Azərbaycanlıları Konqresinin 13-cü qurultayı açılacaq

Aprelin 18-də İstanbulda Dünya Azərbaycanlıları Konqresinin (DAK) 13-cü qurultayı açılacaq. Qurultay və iki gün davam edəcək.

DAK mətbuat xidmətinin məlumatına görə, qurultayda türklərə qarşı düşmənçiliklə bağlı dünyaya mesaj veriləcək.

“1915-ci ildə gerçək bir erməni soyqırımı olmadı və əsl soyqırımın Azərbaycan türklərinə qarşı törədilib. Bunun da ən canlı, ən dəhşətli, ən yaxın nümunəsi “Xocalı soyqırımı”dır. Qurultayın İstanbulda keçirilməsi bu baxımdan əhəmiyyətli hesab olunur. Ayrıca bu qurultay Türkiyə və Azərbaycan diaspor təşkilatlarının daha yaxın əməkdaşlıq içərisində olmasına önəmli bir addım olacaq”, - mətbuat xidməti bildirib.

DAK dünya azərbaycanlılarının fəaliyyətlərini ifadə edən ən böyük diaspor təşkilatlarından biridir. Təşkilatın dünyanın azərbaycanlılar yaşayan bütün nöqtələrində ərazi təşkilatları var.  Sabir Rüstəmxanlı və Firudin Pərvizniyanın həmsədrlik etdiyi DAK ilk qurultayını 1997-ci ildə Amerika Birləşmiş Ştatlarının (ABŞ) Los-Anceles şəhərində keçirib. Sonrakı qurultaylar Vaşinqton, Haaqa, Brüssel, Stokholm, Frankfurt, Köln, Bonn, Donetskdə olub.-03D-