İsveçrə prezidenti Azərbaycan müxalifətinin liderləri və ictimai təşkilatların təmsilçiləri ilə görüşüb (YENİLƏNİB)

Bu gün Azərbaycanda rəsmi səfərdə olan İsveçrə Konfederasiyasının Prezidenti Didye Burkhalter Azərbaycan müxalifətinin rəhbərləri və ictimai təşkilatların təmsilçiləri ilə görüşüb. Görüşdə Müsavat Partiyasının başqanı İsa Qəmbər, AXCP sədri Əli Kərimli, Milli Şuranın sədri Cəmil Həsənli, REAL Hərəkatının icraçı direktoru Natiq Cəfərli, NİDA Hərəkatının İdarə Heyətinin üzvü Aygün Pəncəliyeva, Reportyorların Azadlıq və Təhlükəsizlik İnstitutunun direktoru Emin Hüseynov, İnsan Haqları Evinin koordinatoru Şəhla İsmayılova iştirak edib.

Müsavat Partiyasının başqanı İsa Qəmbər Turan-a bildirib ki, bir saatdan çox çəkən görüşdə Qarabağ münaqişəsi,  demokratiya, insan haqları, siyasi məhbuslar, seçki və seçki prosesi, vətəndaş cəmiyyətinə basqılarla bağlı məsələlər ətrafında fikir mübadiləsi aparılıb. -03D-

2014 İyun 02 (Bazar) 10:55:50

ATƏT-in hazırkı sədri, İsveçrə prezidenti Didye Burkhalter Cənubi Qafqaz ölkələrinə regional səfər çərçivəsində iyulun 1-də Azərbaycana gəlib.

O, Bakıya səfər çərçivəsində Azərbaycan rəhbərliyi ilə görüşlər keçirəcək. Danışıqların mövzusu Qarabağ nizamlanması, Aəzrbaycanla ATƏT arasında əməkdaşlıq və başqa məsələlər olacaq.

D.Burkhalter Bakıdan Yerevana, oradan Tbilisiyə gedəcək..-16D-