Luigi Di Maio
İtaliya XİN başçısı Bakıda Avropaya qaz tədarükünün artırılması mümkünlüyünü müzakirə edəcək
Bakı/01.04.22/Turan: Aprelin 1-də İtaliyanın XİN başçısı Luici Di Mayo Bakıya səfərə gəlir, bu barədə İtaliya XİN-in məlumatında deyilir.
O, Bakıda prezident İlham Əliyev, XİN başçısı Ceyhun Bayramov və energetika naziri Pərviz Şahbazovla görüş keçirəcək, Azərbaycandan neft və qaz tədarükü məsələlərini müzakirə edəcək.
"Bu addımlar Rusiyanın Ukraynaya qarşı təcavüzü fonunda enerji daşıyıcılarının tədarükünün şaxələndirilməsini sürətləndirmək məqsədi güdür", deyə məlumatda bildirilir.
Azərbaycandan Transadriatik Qaz Kəməri (TAP) ilə qaz tədarükünün artırılması mümkünlüyü müzakirə olunacaq.
Nazir Di Mayo həmçinin həmsöhbətləri ilə ikitərəfli və regional gündəliyin prioritet məsələlərinə baxacaq və həmkarı Bayramovla birlikdə İkitərəfli Strateji Dialoqun birinci iclasında çıxış edəcək.
Nazir Di Mayo Bakıdan Yerevana yola düşəcək, deyə məlumatda qeyd edilir. -02B-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz