Vaşinqton/28.08.19/Turan: Nyu-Yorkda yerləşən Jurnalistləri Müdafiə Komitəsi Azərbaycan hakimiyyətindən jurnalist İkram Rəhimovun təqibinə son qoymağı və onu həbsdən dərhal azad etməyi tələb edib.
"İkram Rəhimov dərhal azad edilməli və aclıqdan sonra sağlamlığının bərpa edilməsi üçün şərait yaradılmalıdır. Korrupsiyanı ifşa edən jurnalistlərin həbsi təcrübəsinə son qoyulmalıdır", deyə JMK-nin Avropa və Mərkəzi Asiya üzrə proqram koordinatoru Gulnoza Said bildirib.
Rəhimov 20-ci gündür ki, Bakı İstintaq Təcridxanasında əsassız həbsinə etiraz əlaməti olaraq aclıq edir. Penitensiar Xidmət onun aclıq etməsi faktını təsdiq edir, amma sağlamlığında hər hansı problem olduğunu inkar edir.
** Rəhimov 2018-ci il oktyabrın 26-da saxlanılıb, hədələmə yolu ilə pul tələb etməkdə ittiham olunub və həbs edilib.
İyunun 12-də məhkəmə onu 5,5 il müddətinə azadlıqdan məhrum edib. Avqustun 7-də Bakı Apellyasiya Məhkəməsində Rəhimovun işi üzrə hazırlıq iclası keçirilib. Müdafiə tərəfi təkrar məhkəmə istintaqı keçirilməsi, birinci instansiya məhkəməsinə verdikləri ifadələr saxtalaşdırıldığına görə şahid və zərərçəkmişlərin yenidən dindirilməsi haqqında vəsatət qaldırıb.
Vəkil həmçinin eyni səbəbdən Rəhimovun telefon danışıqlarının audioyazısının təkrar ekspertizasının təyin edilməsini xahiş edib. Amma vəsatətlər təmin edilməyib. Etiraz əlaməti olaraq Rəhimov aclığa başlayıb.
Avqustun 21-də o, məhkəmə heyətinə etiraz edib və dinləmələr ayın 28-nə təxirə salınıb. -16B-
Siyasət
-
Son bir həftə ərzində polis Xankəndində onlarla müxtəlif növ atıcı və soyuq silah, minlərlə patron aşkar edib.Azərbaycan DİN-in məlumatına görə, 27 aprel-3 may tarixləri arasında Xankəndi şəhəri ərazisində 33 avtomat silahı, 1 pulemyot, 10 tapança,14 tüfəng, 1 qumbaraatan, 59 qumbara, 34 alışdırıcı, 397 patron darağı, 7888 ədəd müxtəlif çaplı patron, 1 qutu trotil, 27 ədəd süngü-bıçaq və digər sursatlar aşkar olunaraq götürülüb.
-
Azərbaycan və Avropa İttifaqı Orta Dəhlizin inkişafı məsələlərini müzakirə edib, bu bardə Azərbaycanın rəqəmsal inkişaf və nəqliyyat naziri Rəşad Nəbiyev X sosial şəbəkəsində yazıb.
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
Rəy yaz